N’nga N’naire Avi Ira Nimuwandamele Mulungu?

1. N’nga Mulungu unovwa mavephelo methene?

Mulungu unoitana athu a muthundu uliwethene ira kamuwandamele zela mu livephelo. (Salimu 65:2) Mbwenye liye kanavwa, thetho kanasomedela, mavephelo ethene. Mwalifwanafwani-o, livephelo la mulombwana unoyo unamuzuzumi-a mu-iyanaye kalinavweya wa Mulungu. (1 Petulo 3:7) Vevo Aisarayeli kawenjedelaathu irana vyothakhala Mulungu oo-iya vuruwana vyovepha viwa. Moi eeno, Mulungu unovwa yovepha ya muthu unoyo aira vyothakhala liye khuchinyuwa. Wonga vyoona, livephelo chi ngari ilukhulu. — Welengani Yesaya 1:15; 55:7.

2. N’nga nivephelenga moi avi?

Livephelo chi mbali imo-i yolambela wi-u, moi eeno, ninafwaneela nivephelenga wa namaphanduchi-u, Yehova. (Mateyu 4:10; 6:9) Vofwanya ira nili athu o-olongomana, ninafuneela nivephelenga zela mu zina la Yesu, unoyo akhwile na mwasa wa vyotheenga vi-u. (Yohani 14:6) Navephelanga wa Yehova, liye kanafuna ira niweli-edenga mazu amoi-ve, vamo-i oira alemba. Liye unafuna ira nivephelenga khumela vathi va Murima. — Welengani Mateyu 6:7; Afilipi 4:6, 7.

Namaphanduchi-u unovwa etho mavephelo a m’murimani. (1 Samuweli 1:12, 13) Liye unoniwandela ira nivephelega mu vyoireya vili vyethene mwalifwanafwani-o, nafunanga gona, navenyanga, nafunanga dja, noza nagumanangana nyarwa. — Welengani Salimu 55:22; Mateyu 15:36.

3. Mwasiwa ngwan’ni Akiristu kanagumanela?

Muwandamela Mulungu kai wokweya va mwasa woi ninakhala na athu anayo ka-anamuroromela Mulungu anayo kanaruni-a yolanyedaye yoi ilambwela inoza ikhaena murendele (2 Timoteyu 3:1, 4; 2 Petulo 3:3, 13) Moi eeno, ninafuneela nigumanelenga na abali-u, ira nilimbi-anenga. — Welengani Aheberi 10:24, 25.

Wandhana na athu anayo kanamuwomela Mulungu vinonikhami-a thetho ira nimuwandamelenga liye. Umigumano da Mboni da Yehova, ninofwanyawo ngari ilukhulu yolimbi-iwa na iroromelo ya afwi-u. — Welengani Aroma 1:11, 12.

4. N’nga phi vyowandheya muwandamela Mulungu?

Munowandha muwandamela Yehova mwaumbuwelanga no irana vyevyo munafunjeda nyo m’mazwaye. Muumbuwelenga mabasa, mangano na vyolanyeda vya Mulungu. Umbuwela vyevyi vamo-i novephela vinonikhami-a ulukhuli-a muthamaalela wi-u wokhumela vathi va murima, va zivelo na zelu da Mulungu. — Welengani Yoswa 1:8; Salimu 1:1-3.

Ninowandha muwandamela Mulungu namunyindelanga, thetho nakhaana iroromelo wa liye. Mbwenye iroromelo ili n’nga muthengo unoyo unafuneya eleliwa ma-inje thawi dethene. Ninafwaneela thetho nilimbi-enga iroromelo yi-u thawi dethene moumbuwela vyevyo vinafunjeda iyo. — Welengani Mateyu 4:4; Aheberi 11:1, 6.

5. Mwasiwa ngwan’ni nyo munafuneela muwandamela Mulungu?

Yehova unomuthamaala muthu unoyo unamuwomela. Liye unowandha muthithi-eda wu vyongo vyevyo vinawononge iroromelo na idedi-edo ya ingumi yo-omala. (Salimu 91:1, 2, 7-10) Liye unoniwenjeli-a wu vyongo vyevyo vinawononge ingumi-u, thetho vyongo vyoi naviliga vinonithathamulela nyarwa. Yehova unonifunji-a vyaphama ira vyongo viniwendelega phaama va ingumi-u. — Welengani Salimu 73:27, 28; Yakobo 4:4, 8.