Umbuwelani Iyana wa Loti

Loti akala na Aburahamu wu Kanani. Vanduli viwa etene kookaana viweto vinjinji moi malo odji-ela viwetovyo koowaevela. Eno Aburahamu oomuwandela Loti ira: ‘Kai vyowandeya ira nikalenga limo-i. Ambeela weyo sakula wewo unafunawe dowa kala moi miyo ndinadowa mbali imo-iwa. Va Aburahamu ootonyi-eda ira ali oviyevi-a.

Loti oosakula dela la vakwikwi na mzinda wa Sodomu. Liye oolandeya na delali chifukwa yoi lookaana ma-inje anjinji koma teto manachi oriya. Eno ootamela wewo na banja lae.

Athu anayo kakala mumzinda wa Sodomu koma teto mzinda wavakwikwi woromoliwa ira Gomora, kookaana makalelo otakala vinjinji. Eno Mulungu oona ira chipama keda ononga mizindado. Koma ooganizela vyoi amuvulumuche Loti na banja lae. Liye ooruma angelo ambin’li dowa muwandela ira: ‘Maruwani mombaraanya. Kumamoni mumzindola chifukwa Yehova unafuna auononge.’

Koma Loti na banja lae kakeda chedwachedwa moi angelwayo kakede a-inda manda nowakumi-a mumzindoyo. Aluwa koowawandela ira: ‘Mbaraanyani mukume ira kamukhwe. Koma kamuing’ane munduli. Mwakeda ing’ana munduli munokhwa.’

Aluwa kangafiile mumzinda wa Zoari, Yehova oorumbwi-a mulo na sulufule mumzinda wa Sodomu na Gomora. Mizinda detene dedi doovya. Koma iyana wa Loti kaavwele chenjezoli moi ooing’ana munduli. Angakede ing’ana munduli ootanduwa iruwa ya mwinyu. Komave Loti na a-imae aa-iyana ambin’li koovulumuwa chifukwa yoi koovwela Yehova. Pivyovaela oneya ira etene koovwa chisoni kangaonile ira m’miwa ukhwa chifukwa yo-ovwela. Koma aluwa koosangalala chifukwa yoi koovwela malangizo a Yehova.