Oona Likupu Likaranga

Mose ookala wu Midiyani wa chaka 40. Liye ootela nokaana a-ima. Dambo limo-i adji-anga khosa vakwikwi na mwango wa Sinai, oona vyongo vyodabwi-a. Oona likupu likaranga koma kalavya. Angaandamele ira aone vyevyo vyaireya, oovwa mawu okumela mulikupumo onga ira: ‘Mose! Kuwandamele. Kurula sapato dawodo chifukwa malo anayo uimelilewayo mbowela.’ Yehova ngunoyo aonga na Mose, teto amu-indi-eda chito mgelo.

Mose oova vinjinji moi oobisa kovae. Yehova oomuwandela ira: ‘Ndiona ira Aisaraeli kanovuteya vinjinji. Ndinofuna avulumucha wu Iguputo nowadowi-a uilambo yapama. Weyo uwasogolele vokuma wu Iguputo.’ Ninokoza oonga ira Mose oodabwa vinjinji na vyevi.

Liye oofuka ira: ‘Nanga kandifuka ira undirumile mbaani ndasomede avi? Mulungu oomuwandela ira: ‘Wawandele ira Yehova Mulungu wa Aburahamu, wa Isaki na wa Yakobo ngunoyo undirumile.’ Vanduli viwa Mose oonga ira nanga ka-andiroromele? Vyangaireile eno, Yehova omuwandela ira avokede imwirae vati. Thawi ineyo imwiriyo yootanduwa nyowa. Koma angai-indile umwila yootanduwa teto imwiri. Eno Yehova oomuwandela ira: ‘Wadowa panga vyevi kanororomela ira ngumiyo ndiurumile.’

Koma Mose oonga ira: ‘Vale miyo ndinovuteya onga.’ Eno Yehova oomulonjeza ira: ‘Miyo ndinerenga uwandela vyofwanelela onga teto ndinouva-a Aroni ira aukami-enga.’ Mose angaiziwile ira Yehova unomukami-a, oomulanda iyanae na a-imae nowambeela ulendo odowa wu Iguputo.