Mose Oosakula Ira Amulambelenga Yehova

Wu Iguputo athu a m’banja la Yakobo koowambeela iziweya ira Aisaraeli. Yakobo na Yosefe kangakhwile, Farao m’mo-iwa oowambeela lamulela. Liye oova chifukwa yoi Aisaraeli kooinjiva kwaranya Aiguputo. Eno oopangi-a ira Aisaraelayo kakale akapolo. Oowalamula ira kaombenga vidina koma teto inda chito dogomi-a umunda. Koma ngakale ira koozuzumi-iwa vinjinji na Aiguputo, Aisaraeli koopitilizave injiva. Voi Farao kaafuna vyevi, oolamula ira a-ima etene aalombwana a Aisaraeli kaphiwenga kakeda baliwa. Munaganiza ira Aisaraeli kavwile avi lamuloli lingapelekiwe?

Vyevi vyangaireile, muzimai m’mo-iwa wachiisaraeli zina lae Yokebedi oobala mwana wa mulombwana oriya vinjinji. Vofuna muteteza mwanoyo, muzimaiyo oomu-ela m’basiketi dowa musunga mu-inje wa Nailo. Murongolae wa mwanoyo zina lae Miriamu, ali vakwikwi na vevo kamusungileathu mwanoyo, na yolinga yoi amuing’anelenga.

Vanduli viwa mwana wa-iyana wa Farao ooza ira a-ambe moi oona basiketile. Angai-ulile basiketiyo oofwanya ira mukala mwana. Mwanoyo ooula moi oomuvwela chisoni. Miriamu oomufuka mwana wa-iyana wa Faraoyo ira: ‘Kodi munoomeliwa ira ndausaeleleni muthu oyi amusamalelenga?’ Mwana wa Farao oosomedela moi Miriamu oodowa muitana m’mae. Angazile, mwana wa Faraoyo oomuwandela ira: ‘Mulandeni mwanola mumusamalelenga moi miyo ndinerenga ulivelani.’

Mwanola angaulukulile, Yokebedi oomupeleka mwanole wa mwana wamu-iyana wa Farao teto oomuva-a zina loi Mose nokalanga na liye ngati mwanae. Mose ooleliwa ngati mwana wa mwene moi ookoza fwanya iliyetene ineyo afuna liye. Koma liye kamudiwalile Yehova. Ooiziwa ira liye ali muisaraeli ookala wau Iguputo moi oosakula ira atumikelenga Yehova.

Angan’na chaka 40, Mose oofuna akami-a Aisaraeli afwae. Eno angamuonile muthu wau Iguputo amuvazanga muthu wachiisaraeli, Mose oomuvaza muthu wau Iguputoyo mpakana mupha. Moi oomuvu-elela muthule m’misenga. Farao angaiziwile vyevi oofuna mupha Mose. Eno Mose ootawela wu Midiyani. Wewo, Yehova ali na liye.