Vyevyo Vyaireile va Mwango wa Karimeli

Umwene wa mafuko 10 wa Aisaraeli wookaana mamwene anjinji otakala. Koma Mwene Ahabu ngunoyo ali otakala kwaranya etene anayo. Liye ootela iyana otakala unoyo alambela Baala teto zina lae ali Yezebeli. Ahabu na Yezebeli koopha anamaongela a Yehova koma teto koopangi-a ira athu anjinji awu Isaraeli kalambelenga Baala. Kodi Yehova apangile avi? Ootumiza namaongela Eliya ira adowe apeleke uthenga wa Ahabu.

Eliya oowandela Mwenela ira voi oopanga vyotakala, mu ilambo ya Isaraeli kamunaza murumbwa zongwe. Wa chaka dokwaranya taaru athu katalimile vyodja chifukwa ookala ilala. Eno mu ilambomo mookala ndala. Vanduli viwa Yehova oomutumiza teto Eliya wa Ahabu. Eno mweneyo yoonga ira: ‘Weyo ngunoyo unazi-a mavuto etene anala.’ Koma Eliya oosomeda ira: ‘ Naari kai miyo. Munazi-a mavutwala ngunyo chifukwa munalambela Baala. Sonkani-ani athu na anamaongela a Baala vadimu vamwango wa Karimeli ira nione umboni wa vyevi.’

Athu koosonkana vamwangoyo. Eno Eliya oowawandela ira: ‘Sakulani Mulungu oyi mumulambelenga. Akala Yehova ngu Mulungu oona, mu-areleni, koma akala Baala ngunoyo uli Mulungu oona mu-areleni unoyo. Atumiki 450 a Baala kakoze sembe teto kapempele wa mulungwiwa ira aitumeye sembeyo. Miyo teto ndinokoza sembanga moi ndinopempela wa Yehova ira aitumeye. Mulungu unoyo unawande tumeya sembedi ngunoyo uli Mulungu oona.’ Athwayo koosomedela.

Anamaongela a Baala kookoza sembiwa. Koopempela wa mulungwiwa dambo letene ira: ‘Nyo Baala nisomedeni!’ Koma Baala kaasomedile. Vanduli viwa Eliya oowambeela ateya. Oowawandela ira: ‘Muitaneni mokuwa mwina unaagona teto vanofuneya m’mo-iwa ira amuvenyi-e.’ Anamaongela a Baala koopitilizave pempela mpakana mazulo. Koma Baaloyo kaasomedile.

Vanduli viwa Eliya oo-ela sembae vaguwa teto oo-elavo ma-inje. Eno oopempela ira: ‘Yehova, ndinauvepani ira mupange vyoi athwala kaiziwe ira nyo muli Mulungu oona.’ Thawi ineyo Yehova ootumiza mulo kumela udimu moi ootumeya sembeyo. Athu kangaonile vyevi koowambeela kuwa ira: ‘Yehova ngunoyo uli Mulungu oona.’ Eliya oonga ira: ‘A-indeni anamaongela etene a Baala.’ Vadambo leli anamaongela etene a Baala okwakwana 450 koowa-inda nowapha.

Vanduli viwa wu nyanja ooneya murambo ung’onong’ono moi Eliya oomuwandela Ahabu ira: ‘Unorumbwa zongwe wakopolo. Gwelani galeta mudowenga waninyu.’ Mwazizizi unde oowambela panga isi ya mirambo, owambeela panga lipevo vanduli viwa zongwe oowambeela rumbwa. Va mavutwale koomala. Ahabu oowambeela tamangi-a galeta lae na yolinga yoi zongweyo kamutiyelele. Koma mokami-iwa na Yehova, Eliya ootamanga mpakana ookwaranya galeta la Ahabu. Kodi mavuto a Eliya kamalele veva? Ninoona mukhani yo-arela.