Yesu Ooweli-a Kachisi

Chaka ya 30 C.E., Yesu oodowa wu Yelusalemu vathawi ya ikondwelelo ya Pasika. Athu anjinji teto koodowa wu Yelusalemuwo dowa pangana ikondwelelo inela. Vathawi inela, athu koopeleka sembe da nyama. Athu amo-i kera zana nyamadi, koma athu amo-i kagula wu Yelusalemu wewo.

Yesu angavolowile mukachisi oofwanya athu kaguli-anga nyama mwemo. Kakedani ganizela! Aluwa koopanga malonda munyumba ya Yehova inela. Kodi Yesu apangile n’ni? Thawi ineyo liye oolanda migo-i ira a-indi-ede chito votamangi-a khosa na ng’ombe dedo dali mukachisimo. Oogubuducha teto matebulo a athu anayo kapanga malondayo koma teto ookutulela vati ndalama diwado. Liye oowawandela athu anayo kaguli-a kangaiwa ira: ‘Kumi-amoni vyevi muno. Nyumba ya Babanga kamuitanduche malo oguli-elamo vyongo.’

Athu koodabwa vinjinji na vyevyo Yesu apangile liyevi. Ofunjedae kooumbuwela ulosi oonga vya Mesiya oyi: ‘Ndinoza ndivipeleke vinjinji va nyumba ya Yehova.’

Muchaka ya 33 C.E., Yesu ooweli-a teto kachisi votamangi-a athu anayo kaguli-a vyongo va nyumba ya Yehova inela. Liye kaalolile ira muthu uliwetene anyozenga nyumba ya Yehova.