Paulo Ootumiziwa wu Roma

Ulendo wanaralu wa Paulo wamalele wu Yelusalemu. Angafiile wewo oomangiwa. Eno ma-iyu oona masomphenya. Yesu oomuwandela ira: ‘Unoza udowe wu Roma moi unodowa walaleele wewo.’ Paulo oolandiwa wu Yelusalemu nodowa wu Kaisareya wewo ookala mundende wa chaka mbin’li. Vathawi ineyo mulandwae wazengiwaathu na bwanamkubwa m’mo-iwa zina lae Fesito, Paulo oonga ira: ‘Ndinavepa ira mulandwangola waweluziwe wa Kaisara.’ Eno Fesito oonga ira: ‘Voi uvepile ira udowe wa Kaisara, unodowa.’ Vodowa wu Romawo Paulo alandiwe va sitima ya vanyanja moi abali ambin’li, Luka na Arisitako, koodowa limo-i na liye.

Kangali vanyanja ooireya liphevo lakopolo koma teto loopi-a wa malambo men’li. Uliwetene akeda ganiza ira kavili unoyo unavulumuwe. Koma Paulo oonga ira: ‘Athu nyo, mgelo undiwandela zela muvyoro-a ira: “Kuove Paulo. Unodowa wafiye wu Roma moi uliwetene musitimela kanakhwa.” Eno kamuove kavili unoyo unakhwe.’

Liphevolo loomba wa malambo 14. Vanduli viwa koowambeela ona ilumba ya Melita. Koma sitimeyo yoovu-eleleya na misenga moi yoowambeela tweya chifukwa ya mafunde. Ngakale vyali eno, athu etene 276 anayo kali musitimeyo koofiya ukumani. Amo-i kera sambilela koma amo-iwa ka-indi-edile chito mapisi a sitimeyo anayo kabeluwa. Kangafiile, athu a vailumbeyo koowawachela pama nowakari-ela mulo ira kaotenga.

Vangavirile medi diralu, asilikali koomulanda Paulo va sitima imo-i nomudowana wu Roma. Kangafiile, abali kooza ira kamuone. Paulo angaaonile oomuyamikela Yehova moi oolimba murima. Ngakale ira ali mkaidi, oololiwa ira akalenga nyumba imo-iwa ya lendi moi aing’aneliwa na msilikali. Liye ookala wewo chaka mbin’li. Athu kaza ira kamuone, oowalaleela vya Umwene wa Mulungu koma teto vya Yesu. Liye oolemba teto makalata odowa umipingo ya wu Asia Minor na wu Yudeya. Veva Yehova oomu-indi-eda chito Paulo ira uthenga wapama ufiye wa athu amitundu dimo-i.