Paulo na Timoteyu

Timoteyu ali m’bali waizombwe mupingo wau Lusitara. Ababae kali Mgiriki koma am’mae kali Muyuda. Zina la am’mae lali a Yunike teto ambwiyae kali a Loisi. Timoteyu oofunjeda Mawu a Mulungu ambeela angali mwana moi anayo kamufunji-ile kali am’mae na ambwiyae.

Paulo angafiile wu Lusitara vaulendwae wanambili, oozindikila ira Timoteyu oowaomeluwana vinjinji abali moi ookaana murima ofuna akami-a. Eno Paulo oomuvepa Timoteyu ira aende na liye. Paulo oomufunji-a Timoteyu laleela koma teto funji-a uthenga wapama mwaluso.

Zimu owela oomukami-a Paulo na Timoteyu uliwetene wewo kadowaathu. Dambo limo-i ma-iyu, Paulo oona masomphenya. Oona muthu m’mo-iwa amuwandelanga ira adowe wu Makedoniya ira aakami-e athu awewo. Eno Paulo, Timoteyu, Sila, Luka na athu amo-iwa koodowa laleela wu Makedoniya moi koogarati-a mipingo.

Kangafiile mumzinda wa Tesalonika, athu anjinji kookala Akristu. Koma Ayuda amo-i koomupangela sanje Paulo na afwayayo. Aluwa kookopa gulu la athu nomulanda Paulo na afwayayo nowadowana wa olamulela mzinda. Athwayo kookuwa ira: ‘Athwala mba adani a boma la Roma!’ Va moyo wa Paulo na Timoteyu wali vangozi eno wangakede dimba aluwa kootawela wu Bereya.

Athu awu Bereya kali ofunechecha vuruwana uthenga wapama moi Agiriki na Ayudene kookala ororomela. Koma Ayuda amo-i okumela wu Tesalonika kangazile koowambeeli-a ipolowe. Vyangaireile eno Paulo ookwaranyawo nodowa wu Atene. Timoteyu na Sila koo-ala wu Bereya wewo ira kalimbikisenga abali. Vangavirile thawi Paulo oomutumiza Timoteyu wu Tesalonika ira aalimbikise abali awewo, anayo kazuzumi-iwa vinjinji. Vanduli viwa oomutumiza teto nawili wu mipingo dimo-i ira alimbikise abali na arongola.

Paulo oomuwandela Timoteyu ira: ‘Unoyo unafuna tumikela Yehova unoza azuzumi-iwe.’ Timoteyu oozuzumi-iwa koma teto eeliwa mundende chifukwa yotumikela Mulungu. Liye oona ira unola wali mwayae otonyi-eda ira ngororomeleya wa Yehova.

Paulo oowawandela Akristu awu Filipi ira: ‘Ndiutumizelani Timoteyu ira aze aufunji-eni vyofwanelela panga votumikela Mulungu koma teto volaleela.’ Paulo oopanga vyevi chifukwa yoi Timoteyu ali ororomeleya. Aluwa koogwilizana vinjinji moi kootumikela Mulungu limo-i wachaka dinjinji.