Oing’anela Ndende Oofunjeda Mawu a Yehova

Wu Filipi ookala musikana m’mo-iwa wachito unoyo an’na iwanda. Iwandeyo yoomupangi-a musikanoyo ira aongenga vyausogolo moi oolemeli-a mabwanae. Eno Paulo na Sila kangafiile wu Filipiwo musikanoyo oowa-arela wa malambo anjinji. Iwandeyo yoomupangi-a ira akuwenga ira: “Athu ala mba akapolo a Mulungu wa Mudimudimu!” Paulo angagomile na vyevi oowandela iwandeyo ira: “Ndinaulamula mu zina la Yesu Kristu ira ukume mwa musikanola.” Thawi ineyo iwandeyo yoomu-iya.

Mabwana a musikanola kangaonile ira mwaiwa ofwanya ndalama uumala, koolunduwa vinjinji. Aluwa koowa-inda Paulo na Sila nowakokela ubwalo la olamulela moi koonga ira: ‘Athwala katina-arela malamulo moi kanosokoneza vinjinji mzindola.’ Eno andimuwa andimuwa a boma koolamula ira Paulo na Sila kakwapuliwe vanduli viwa koowa-eela mundende. Koowa-ela mundende ya isi moi koowamangelela m’matangaza.

Mundendemo Paulo na Sila kooimba nyimbo dotamanda Mulungu teto akaidi amo-i, koovuruwana. Eno vaari va ma-iyu ooireya ivomelezi ineyo yatekenyile vinjinji ndendeyo. Visewo vyetene vyoo-uleya moi maunyolo a akaidi etene koomasuwa. Oing’anela ndendele angatamangile nofwanya ira visewo vyetene pivyo-uleya ooganiza ira akaidi etene kootawa. Eno oolanda supada ira aviphe.

Koma Paulo oomuwandela ira: ‘Kuviporoche! Etene nili mwemuno!’ Oing’anela ndendeyo oovolowa mombaraanya nokokora vakwikwi na Paulo na Sila. Vanduli viwa oowafuka ira: “Ndipange n’ni ira ndize ndivulumuwe?” Aluwa koomusomeda ira: ‘Weyo na banja lawo munafuneela roromela Yesu.’ Vanduli viwa Paulo na Sila koowambeela mufunji-a oing’anela ndendeyo na banja lae mawu a Yehova moi etene koobatiziwa.