Mawu wa Osonkana

ACHITO OKEDA VIPELEKA Akala munafuna kami-ana chito dimo-idiwa vasonkanola, dowani wu Dipatimenti Yokami-a Athu Teto Yoing’anela Chito ya Okeda Vipeleka.

UBADIZO Athu anayo kakozeele badiziwa kaze kagarati vamipando da usogolo dedo dikoziwe. Akala vali malangizo amo-iwa o-iyana na anala, kanoza kalengeziwe. Athwala kanafuneela za kala vamipandodi, Looluka mamawa khani ya ubadizo yaanaambeele. Uliwetene unafunela zana yovipukutela na vyowara vyofwaneela volowana mwiko.

VYOPELEKA Vanofuneya ndalama dinjinji ira nikaena malo apama oirelavo sonkano, vyokuzela mawu, vipangizo vyooni-ela mavidiyo koma teto vyongo vimo-i vyokami-a ira sonkanola ukale osangalasa koma teto ira unikami-e limbi-a usamwali-u na Yehova. Ndalama dedo munapeleke nyo mofuna winyu vasonkanola, dinokami-a livela vyongo vyevi koma teto dinokami-a va chito ya vailambo yetene. Mabokosi olembiwa pama anayo munavochedelemo nyo vyopeleka vinyu, kano-eliwa m’malo o-iyana-iyana vasonkanola. Kapena munokoza peleka zela va intaneti vodowa va donate jw.org. Ninoyamikela vinjinji vyopeleka vinyu teto Bungwe Lolamulela linoyamikela chifukwa yokami-a na murima wetene va chito ya Umwene.

DIPATIMENTI YOKAMI-A VANGOZI Umbuwelani ira dipatimenti inela inakami-a va vyoireya vya mwazizizi ba-i.

MALO OKALA Esaesani ganizela athu amo-iwa. Umbuwelani ira athu anayo munafuneelanyo asungela malo kakale a m’banja linyu, anayo muzilena nyo vagalimoto imo-i kapena anayo munafunjedana nyo Baibulo. Kamu-iye vyongo vamalo ogarati patulavo akala mumusungele muthu m’mo-iwa.

OWACHELA ALENDO Anayo kanawachela alendo chitwiwa kuukami-ani. Eeno, arelani malangizo anayo kanauva-eniathu okuza malo ofwanelela imeli-avo galimoto na njinga, ndila ndoedamo vovolowa nokuma vamalo asonkano, sunga malo okala koma teto vyongo vimo-i.

VYODIMEELA NA VYOFWANYEYA Mwadoda iliyetene, tiyeni mwa-iye wu Dipatimenti ya Vyodimeela koma teto akala mumori-ile yongo iliyetene, dowani mwafuke udipatimentila. Mwafwanya mwana unoyo u-olowile, mwamu-iye udipatimenti inela. Komave dipatimentila kai yosungelawo a-ima, eeno asamaleleni a-iminyu teto thawi detene kakalenga na nyo limo-i.