Mu-indi-edenge Chito Vyevyo Vinaireya Mutatamwinyu Mwakala Molaleela

Muwari mwa utumikaye, Yesu angali vailambo yavatila, oofunji-a athu vo-indi-edela chito vyongo vyevyo vyaireya vathawi yeneyo. (Lk 13:1-5) Nyo teto podi indi-edela chito vyongo vyevyo vinaireya mu gawo linyu vowakami-a athu kaana chidwi na milanyo da Umwene. Vanduli voi muuromola vyongo vyevyo vinaireya malambwano utatamo wewo munakala nyo n’nga masoka a muvyopanduchiwa, kondo, injiva waathu o-indi-edela chito mirombwe doviringani-a ugogo, na vyongo vimo-i, pangani yofuka yokopa chidwi. Nyo podi fuka ira: “Kodi munona ira ninoza nione mala wa . . . ?” vamoi “Kodi nyo munona ira chin’ni yeneyo inamali-e . . . ?” Era eeno, welengani lemba la m’Baibulo logwilizana na mwasoyo. Akala muthuyo utonyi-edile chidwi, muwoni-eni vidiyo vamo-i mugaweleni imo-i mwa vyongo vyevyo vina-indi-eda iyo chito vofunji-a. Vevo vinayesayesa iyo ira nikope chidwi yaathu a mu gawo li-u, “ninafuneela ira nipange vyetene na mwasa wa milanyo dapama.”—1Akor 9:22, 23.

Kodi ti myasa diivi dedo dinakale dokopa chidwi ya athu amugawo linyu?