MOYWI-U WA CHIKIRISTU

Mukami-enga Athu Anayo Katinawomeliwana Vyachipembezo Ira Kamuiziwe Mulengiwa

Kodi munolepela laleela athu anayo katinawomeliwana vyachipembezo voganiza ira mwina katinavuruwana uthenginyu? Akala chi eno, muumbuwelenga ira athu anjinji anayo vowambeela katawomeliwana vyachipembezo tangani-avo anayo kawonga ira Mulungu kaliwo, vasogolo kookala atumiki a Yehova. Thawi dinjinji athu anala kanakedecha funeela akami-a fwanya umboni woi ukala Mulungu.— Vyo 1:20; 10:14.

ONELANI VIDIYO YOI ANTHU OPANDA CHIKHULUPIRIRO AKHOZA KUSINTHA N’KUKHALA NDI CHIKHULUPIRIRO — ANTHU OSAPEMBEDZA, ERA ENO SOMEDANI YOFUKA YO-ARELELA:

Kodi vyevyo vyamuireele Tommaso viukami-ileni avi kaana maganizo ofwanelela ira mulaleelenga wa athu anayo katinawomeliwana vyachipembezo?

Lembani yosomeda inyu

Mwemo munapangele nyo vyevi

Akala muthu unatonyi-eda ira kanaroromela ira ukala Mulungu, mukalenga oleza murima, teto mwazelu koma teto mokumela vati va murima, mumutonyi-edenga ira munovwechecha mwemo munavwela liye va khani ineyo munakambirana nyo. (2Tim 2:24) Mukambiranenga nae khani dedo munawona nyo ira unokoza dipangana chidwi. Kodi unokoza somedela ira mukambirane maumboni anayo kakami-ile athu amo-iwa ambeela roromela ira ukala Mulengi? Akala chi eno, indi-edani chito mabuku kapena mavidiyo anayo kakoziwe ira kakami-enga athu va khani inela. Maborosha oyi Kodi Zamoyo Zinachita Kulengedwa? na oyi Mmene Moyo Unayambira — Mafunso 5 Ofunika Kwambiri koo-eliwa nawili va Vyongo Vyofunji-ela ira niafwanyenga mo-orucha.

Vowambeela, mwina munokoza kaana mantha kambirana na muthu unoyo kanaroromela Mulungu. Akala chi eno, munokoza muvepa wofalisa waluso ira aukami-eni. Muumbuwelenga ira Yehova unokoza ukami-ani ira muwafiyenga vamurima athu a murima wapama, ngakale akala ira vowambeela kataroromela ira liye ukalawo. — Vyo 13:48.