Mu-indi-edenga Chito Pama ‘Mphaswinyu Yauzimu’

Etene iyene, ninosangalala nalimbikisananga na abali na arongoli-u. Koma ira nilimbikisane, ninafuneya panga vinjinji ookala keda kala limo-i na abali koma teto arongoli-u. Baibulo linaonga ira mwai unoyo nina iyo olimbikisana chi ‘mphaso yauzimu.’ (Arom. 1:11, 12) Kodi ninapange avi ira ni-indi-edenga chito pama mphaso inela mokwakwanela?

Vyoonga vinyu vilimbikisenga athu amo-iwa. Mwaisazo, ninokoza peleka ndemanga vamisonkano vyevyo vinapangi-e athu ira kaganizelenga vya Yehova, Mawae, koma teto athwae, ookala ira kaganizelenga vya iyo. Naaledanga na abali koma teto arongoli-u, ninokoza panga pama kambilananga khani dolimbikisa.

Vyosakula na vyoira vinyu vilimbikisenga athu amo-iwa. Mwaisazo, athu amo-iwa kanosakula pitiliza panga utumiki wa thawi detene ngakale ira kanogumana na mavuto. Athu amo-iwa kanofwanyewa vamisonkano damuwari mwa mulungu thawi detene ngakale ira kanotanganisiwa na chito kapena kookaana marenda alukulu.

Kodi vyevyo munaonga nyo koma teto munapanga nyo vinolimbikisa abali na arongolinyu? Kodi munoona vyevyo abali na arongolinyu kanaongaathu koma teto vyevyo kanapangaaathu vofuna ulimbikisani?