Kodi Chin’ni Inakami-e ira Banja Likale Losangalala?

VYEVYO BAIBULO LINAONGAATHU

“Odala [kapena ira osangalala] mbanayo kanavwa mawu a Mulungu nowasunga!”—Luka 11:28, Baibulo la Dziko Latsopano.

KODI VYEVI VINATAPULELA N’NI?

Vinatanthauza ira malangizo a m’Baibulo kanokoza thandiza banja linyu kaana chikondi yeniyeni.—Aifeso 5:28, 29.

Lemekezana.—Aifeso 5:33.

Roromelana.—Maliko 10:6-9.

KODI VYEVYO BAIBULO LINAONGAATHUVI NINOKOZA VIROROMELA?

Ee, ninokoza viroromela va vifukwa vin’li vi:

• Mulungu ngunoyo aambeeli-ile banja. Baibulo linaonga ira Yehova Mulungu ngunoyo unapangi-a “banja lililetene . . . Kaana zina”. (Aifeso 3:14, 15) M’mawu amo-i ninokoza onga ira mabanja kookalavo chifukwa yoi Yehova ngunoyo apangi-ile ira kakalevo. Kodi vyevi vinatapulela n’ni?

  Kaganizelani vi: Mwakala ira munadja yodja imo-iwene yooma moi munafuna iziwa mapiyelwiwa, kodi munafuke mbaani? Pivyovaela iziweya ira munamufuka unoyo upiile yodja ineyo.

  Chimozimozi teto na banja, ira nikale na banja losangalala ninafuneela fwanya malangizo a Yehova unoyo Aambeeli-ile banja.—Genesesi 2:18-24.

• Mulungu unoukumbanyelani. Mabanja a zelu kanoesaesa saela malangizo okumela wa Yehova anayo kanafwanyeya m’Baibulo. Chifukwa n’ni ninaonga eno? Chifukwa yoi “liye unonikumbanyela.” (1 Petulo 5:6, 7) Yehova unonifunela vyapama vinjinji teto malangizo anayo unaniva-a liye kanokala okami-a thawi detene.—Miyambo 3:5, 6; Yesaya 48:17, 18.