N’nga athu okhwa khanoza khakhalewo akhokha?

BAYIBULO LINAWONGA IRA:

“Unoza ukhale venyi-iwa.”​—Vyoira [Machitidwe] 24:15.

IZIWA VYEVI UNAUKHAMI-EDANI AVI?

Vinoulimbi-ani mwakhweliwa.​—2 Akorinto 1:3, 4.

Vinoukhami-ani ira mwa-aovenga ukhwa.​—Aheberi 2:15.

Vinouva-ani idedi-edo yolimba yozawonana na abali-nyu anale khakhwide.​—Yohani 5:28, 29.

N’NGA NIROROMELENGA VYEVYO BAYIBULO LINAWONGAATHU?

Ee, va myasa miraru di:

• Mulungu ngwaphanduchile ingumi. Bayibulo linawonga ira Yehova Mulungu ngu “liphara la ingumi.” (Salimu 36:9; Vyoira 17:24, 25) Vofwanya ira Mulungu ngwava-ile ingumi vyongo vyethene, khaninakhaikhela ira unoza avenyi-e athu okhwa.

• Mundulimu Mulungu ovenyi-a athu okhwa. Bayibulo linoonga vya athu 8 anayo khavenyi-iwe mundulimu. Vaari va athu anala vookhala azombwe, andimuwa, alombwana koma thetho a-iyana. Amo-i mwa athu anala khavenyi-iwe va-anagoneele, koma mmo-i mwa aluwa avenyi-iwile vangavirile malambo 4 angali m’manda!​—Yohani 11:39-44.

• Mulungu unofunechecha za irana vyevyo akhokha. Yehova unoidanana ukhwa; moi unowona n’nga mwiidani. (1 Akorinto 15:26) Mulungu unofunechecha mali-a ukhwa novenyi-a athu anale khakhwide. Liye unoumbuwela athu ethene anale khali m’manda thetho unofunechecha za awona khangan’na ingumi va ilambo yavathi.​—Yobu 14:14, 15.