Kodi Ilambo Yavatila ili M’mandani mwa Mbaani?

VYEVYO BAIBULO LINAONGAATHU

“Ilambo yetene ili m’mandani mwa otakaloyo.”—1 Yohani 5:19.

“Mwana wa Mulungu ooneela ira aononge chito da Mdyerekezi.”—1 Yohani 3:8, Baibulo la Dziko Latsopano.

KODI VYEVI VINATAPULELA N’NI?

Vinonikami-a iziwa chifukwa iwa muilambwela muliathu mavuto anjinji.—Chivumbuluso 12:12.

Ninokoza roromela ira vyongo muilambwela vinoza vikale pama.—1 Yohani 2:17.

KODI VYEVYO BAIBULO LINAONGAATHUVI NINOKOZA VIROROMELA?

Ee, ninokoza viroromela va vifukwa viraaru vi:

• Ulamulilo wa Satana unomala chineneeva. Yehova unofunechacha mali-a ulamulilo wa Satana. Liye oolonjeza ira unoza aononge chito da Mdyerekezi nomali-a mavuto etene anayo Satana uwambeeli-ile liye.—Aheberi 2:14, Baibulo la Dziko Latsopano.

• Mulungu oomusakula Yesu ira alamulele ilambo yetene. Yesu ngo-iyana vinjinji na Satana unoyo ngwankaza, koma teto ovikonda. Voonga vya ulamulilo wa Yesu, Mulungu alonjezile ira: “Unoza avwele chisoni muthu onyozeya na osauwa . . . Unoza aombole miyoyo diwa wu chipinjo na chiwawa.”—Salimo 72:13, 14.

• Mulungu kananama. Baibulo linoonga movweya pama ira: “Kai vyowandeya ira Mulungu aname.” (Aheberi 6:18) Yehova alonjeza ira unopanga imo-iwene, vinakalecha ngati upanga wale. (Yesaya 55:10, 11) Eno kaninakaikela ira “olamulela wa ilambwela unoonongiwa.”—Yohani 12:31.