Kodi Umwene wa Mulungu Chin’ni?

YEVYO BAIBULO LINAONGAATHU

“Mulungu wa udimu unoza agarati-e umwene unoyo kunaza uonongiwa wu thawi detene.”​—Daniyeli 2:44, Baibulo la Dziko Latsopano.

“Iyo niva-iwa mwana wa mulombwana; teto valifudi vae vanoza vakale ulamulilo.”​—Yesaya 9:6.

KODI VYEVI VINATAPULELA N’NI?

• Unoza ukale boma lolungama lelo munaze nyo musangalalena.​—Yesaya 48:17, 18.

• Muilambo isha athu kanoza kakale angwilo, koma teto osangalala. ​—Chivumbuluso 21:3, 4.

KODI VYEVYO BAIBULO LINAONGAATHUVI NINOKOZA VIROROMELA?

Ee, ninokoza viroromela va vifukwa vin’li vi:

• Yesu ootonyi-eda vyevyo Umwene wa Mulungu unazeathu upange. Yesu oofunji-a o-arelae ira kapempelenga ira Umwene wa Mulungu uze koma teto ira ifunelo ya Mulungu iireye vailambo yavati. (Mateyu 6:9, 10) Yesu ootonyi-eda mwemo Mulungu munaze liye asomedele pempelo leli.

  Vevo Yesu ali liye vailambo yavati oodji-a athu andala, ooili-a obulela koma teto oovenyi-a okhwa. (Mateyu 15:29-38; Yohani 11:38-44) Vyevyo apangile liyevi vyatonyi-edile vyevyo Umwenoyo unazeathu upangele athu Yesu aza aambeela lamulela ilambo yavati monga Mwene ya Umwene wa Mulungu.​—Chivumbuluso 11:15.

• Vyevyo vinaireya muilambwela vinatonyi-eda ira Umwene wa Mulungu uli vakwikwi. Yesu oovaela onga ira Umwene wa Mulungu waanazi-e murendele vailambo yavati, muilambwela munoza mukale kondo, ndala koma teto vivomelezi.​—Mateyu 24:3, 7.

  Vyevi pivyevyo vinaireya malambwano. Eno kaninakaikela ira chineneeva Umwene wa Mulungu unomali-a mavuto etene anala.