Mulungu Oolenga Udimu na Ilambo Yavati

Yehova Mulungu ngunoyo anilengile. Komave kaninawande muona. Teto liye oolenga vyongo vyetene vyevyo ninaviona iyovi koma teto vyevyo kaninawande iyo viona. Koma aanalenge vyongo vyevyo ninaviona iyovi, oolenga angelo anjinji. Kodi munowaiziwa angelo? Angelo mbo-iyana na athu moi naaliwene kaninakwakwani-e aona. Mgelo owambeela lengiwa oomukami-a Yehova volenga vyongo vimo-i vyetene. Oomukami-a lenga vyongo monga nyenyedi na mapulaneti. Limo-i mwamapulaneti anala chiilambwi-u yavati yoriyela.

Vanduli viwa Yehova oosakaeda ilambo yavatila ira vakalenga vinyama na athu. Oopangi-a teto ira wala wa zuwa ufiyenga va ilambwela. Koma teto oolenga mimwango, nyanja na mi-inje.

Kodi munoiziwa vyevyo Yehova apangile liye vanduli viwa? Yehova aongile ira: ‘Ndinopanga manachi, mitengo na vyomela vimo-i.’ Eno va ilambwela voowambeela mela mitengo ya vipaso, maluwa koma teto vyongo vimo-i. Vanduli viwa oolenga vinyama vyo-iyana-iyana, vimo-i vyopurumuwa, vimo-i vyamwiko teto vimo-i vyowambaza. Nyama dimo-i dali ding’onong’ono monga anamarogolo teto dimo-i dali dilukulu monga tembo. Kodi nyo chi inyama iivi ineyo inausangalasani?

Vanduli viwa Yehova oomuwandela mgelo owambeelole ira: “Tiyemoni nipange muthu.” Athu koolengiwa mo-iyana na vinyama. Kanowanda panga vyongo monga onga, teya koma teto pempela. Yehova oowawandela athwayo ira kaing’anelenga ilambo yavati na vinyama. Kodi munoiziwa ira muthu owambeela lengiwa ali mbaani? Ninoona m’muru o-arela.