Sogoleli Musha na A-iyana Ambin’li Olimba Murima

Angasogolele athu a Yehova wa chaka dinjinji, Yoswa ookhwa angan’na chaka 110. Vathawi ineyo liye angali moyo, Aisaraeli koolambela Yehova. Koma angatatiile, aluwa koowambeela lambela mafano ngati mwemwo athu awu Kanani kapangelaathu. Chifukwa ya vyevyi, Yehova oolola ira mwene m’mo-iwa wau Kanani zina lae Yabini aanyingalelenga Aisaraeli. Athwala koomuvepa Yehova ira aakami-e. Eno Yehova oowava-a sogoleli m’mo-iwa zina lae Baraki. Liye oowakami-a Aisaraeli ira kaambeele teto nawili mulambela Yehova.

Eno namaongela m’mo-iwa wa iyana zina lae Debora omutumizela uthenga Baraki okumela wa Yehova. Uthengoyo waonga ira: ‘Landa alombwana 10,000, teto udowe wagumane na asilikali a Yabini u-inje wa Kisoni. Wewo unodowa wamugonji-e Sisera ndimuwa wa asilikali a Yabini.’ Baraki oomuwandela Debora ira: ‘Ndinodowa akala weyo unadowe na miyo.’ Liye oonga ira: ‘Ndinodowa na weyo. Koma iziwa ira kai weyo unoyo unadowe amuphe Sisera. Yehova uongile ira unoyo unadowe amuphe ngu-iyana.’

Debora oodowa limo-i na Baraki na asilikali a Barakayo umwango wa Tabori dowa kozeela kondo. Sisera angavwile vyevi, oosonkani-a magaleta na asilikalae. Debora oomuwandela Baraki ira: ‘Peeno Yehova unoukami-a ira ukwaranye va kondwela.’ Baraki na asilikalae 10,000 kootita m’mwango mule dowa gumana na Sisera na asilikalae akopolo.

Vanduli viwa Yehova oopangi-a ira inje wa Kisoni usefuwele. Eno magaleta a Sisera kakeda volowa m’madogo. Sisera angaonile ira virucha akede tita vagaleta lae nowa- mbeela tawa. Baraki na asilikalae koogonji-a adaniwa koma Sisera ootawa teto oodowa vitaala mutenti ya iyana m’mo- iwa zina lae Yaeli. Iyanoyo oomuva-a mkaka ira ang’we koma teto oomuva-a bulangete ira akuneele. Moi Sisera oogona. Vyangaireile eno, Yaeli ooenda mwa vang’onovang’ono dowa mukoma muru na isulo ya tenti. Moi Sisera ookhwela vevo.

Baraki oofiya amusaelanga Sisera. Yaeli ookuma mutentae nomuwandela ira: ‘Volowani muno ndiuoni-eni muthu unoyo munamusaela nyo.’ Baraki angavolowile mutenti ya Yaeli oomuona Sisera angagonatile koma ali angakhwile. Baraki na Debora koowambeela imba nyimbo yomutamanda Yehova chifukwa yowakami-a Aisaraeli vogonji-a adaniwa. Wa chaka 40 do-arela, Aisaraeli kookala mwamurendele.