Umwene Ofwanafwana na Tengo Ulukulu

Dambo limo-i Nebukadinezara ooro-a vyoro-a vyoopi-a. Eno ooitana athu azelu a mu umwenae ira katapulele vyevyo aro-ile liye. Koma kalivo unoyo akwakwani-ile tapulela vyoro-avyo. Vanduli viwa Nebukadinezara oomuwandela Daniyeli vyoro-a vyaevyo.

Oomufotokozela ira: ‘Ndooro-a tengo unoyo waulukulile vinjinji nofiya udimu. Ooneya va ilambo yetene yavati moi vinyama vyau kokolani vyakala vati va tengoyo koma teto mbalame doomanga thunji mutambi diwa. Vanduli viwa mgelo ooza kumela udimu nokuwa ira: “Gwi-ani tengoyo teto dulani tambi diwa. Koma lingondo liwa kamulidule, teto mulikulunge na mkombero waisulo na wa mkuwa. Murimae uchenjiwe ira kukale wa muthu koma ukale wa inyama teto vavire chaka dokwakwana 7. Athu etene kaiziwe ira Mulungu ngofwanelela lamulela moi unokoza peleka ulamulilo wa muthu uliwetene unoyo unamufuna liye.”’

Yehova oomukami-a Daniyeli ira aiziwe vyevyo vyoro-avyo vyatapulelaathu. Daniyeli oova na vyevyo vyoro-avyo vyatapulelaathu. Oomuwandela Nebukadinezara ira: ‘Mwene, vyoro-avi vinaonga vya nyo. Koma vyookala pama aakale ira vyoro-avi vinaonga vya adaninyu. Tengo ulukulu unoyo waduliweyo unaimelela nyo. Munoza mu-iye kala mwene teto munoza mudowe ukokolani nowambeela dja manachi ngati vinyama vya ukokolani. Koma voi mgelo oonga ira lingondo latengoyo kaliduliwe, munoza mukale mwene nawili.’

Vangavirile chaka, dambo limo-i Nebukadinezara aenda vadimu va nyumbae noonanga vyongo vyakopolo vyevyo apangile liye mu umwenae. Liye oonga ira: ‘Koma vyongo vinondiendela pama. Kaonani mwemo mzinda wa Babulo munaoneelaathu pama.’ Koma aanamari-e onga mawu anala, oovwa mawu okumela udimu oonga ira: ‘Nebukadinezara umwene uchosiwa m’mandani mwawo.’

Thawi ineyo Nebukadinezara oopenga misala moi ookala ngati inyama yau kokolani. Oovenyawo unyumba yaimwene nodowa kalanga ukokolani na vinyama. Sisi lae loolapa ngati mapepelu a iombankhanga teto nyala dae doolapa ngati da mbalame.

Vangavirile chaka 7, Nebukadinezara ooila moi Yehova oomu-ela Nebukadinezara kala nawili mwene wa Babulo. Vanduli viwa liye oonga ira: ‘Ndinotamanda Yehova, Mwene wa udimu. Va ndiiziwa ira liye Ngolamulela. Unotiti-a athu ovigweli-a teto unokoza peleka umwene wa muthu uliwetene unoyo unamufuna liye.’