Yohani Oosakaeda Ndila

Vale Yohani ali mwana wa Zakariya na Elizabeti. Liye angaulukulile ookala namaongela. Yehova oomu-indi-eda chito Yohani vofunji-a athu ira Mesiya unoza. Yohani kaafunji-a m’masunagoge kapena m’mizinda koma oolaleela muipululu. Athu okumela wu Yelusalemu koma teto wu Yudeya wetene koodowa wa Yohani ira aafunji-e. Liye oowafunji-a ira kanafuneela iya vyotakala ira kasangalase Mulungu. Athu anjinji kavwa uthenga unola, koolapa teto liye oowabatiza mu-inje wa Yorodano.

Yohani kaaomeliwana chuma. Akeda wara yowara ya maoya angamila teto yodja yae yali aserebo na ma-inje anuwi. Athu anjinji koopanga chidwi na liye. Naaluwene teto Afarisi na Asaduki koodowa muona ngakale ira aluwa kali onyada. Koma Yohani oowawandela ira: ‘Munafuneela iya vyotakala nolapa. Kamuganize ira nyo muli avadela chifukwa yoi munaviromola ira muli a-ima a Aburahamu. Unola kai umboni oyi muli a-ima a Mulungu.’

Athu anjinji koodowa wa Yohani nomufuka ira: ‘Nipange avi ira nimusangalase Mulungu?’ Yohani oowawandela Ayuda ira: ‘Akala mun’na maleya ambin’li amo-iwa muva-ewo muthu unoyo kaan’na.’ Kodi munoiziwa chifukwa iwa aonga vyevi? Afuna ira ofunjedae kaiziwe vyoi ira kamusangalase Mulungu kafuneela kala achikondi.

Okomi-a misonkho oowawandela ira: ‘Mupangenga vyongo mwachilungamo teto kamubelenga uliwetene.’ Asilikali oowawandela ira: ‘Kamuwachelenga viphuphu teto kamunamenga.’

Asembe na Alevi naluwene teto koodowa wa Yohani moi koomufuka ira: ‘Kodi muli mbani? Athu kanafuna kauiziweni.’ Koma Yohani oowasomeda ira: ‘Ndili mawu amo-iwene okuwa muipululu. Ndinokami-a athu muiziwa Yehova mogwilizana na vyevyo Yesaya aongile liye.’

Athu koomeliwana vyevyo Yohani aafunji-a liye. Anjinji kaganiza ira mwina liye ngu Mesiya. Koma Yohani oowawandela ira: ‘M’mo-iwa mulukulu kwaranya miyo unoza. Miyo kandili ofwanelela masula migo-i da sapato dae. Vale miyo ndinakeda batiza m’ma-inje, koma liye unoza aubatizeni na zimu owela.’