MURU 57
Kodi Mwapanga Chimo Lilukulu Munafuneela Panga N’ni?
Ngakale ira munoomeliwana vinjinji Yehova koma teto munoesaesa pewa vyongo vyevyo vinamukumudwi-e, thawi dimo-i munokoza chimwi-a vimo-iviwa vyene. Komave machimo amo-iwa, kanokala alukulu kwaranya machimo amo-iwa. (1 Akorinto 6:9, 10) Akala mupangile chimo lilukulu, kamutatile murima teto kamudiwale ira Yehova kana-iye uwomeliwanani. Liye unofunechecha ukurumuwelani koma teto ukami-ani ira muchenje.
1. Kodi ninafuneela panga n’ni ira Yehova anikurumuwele?
Athu anayo kanaomeliwana Yehova kanovivwela chisoni vinjinji kazindikila ira kopanga chimo lilukulu. Komave Yehova unowamiyali-a nowalonjeza ira: “Ngakale machimwinyu kangali ofiila vinjinji, kanoza kawele vinjinji.” (Yesaya 1:18) Nalapa kumela vati vamurima, Yehova kanaumbuwela machimwi-u teto unonikurumuwela na murima wetene. Ndiye ninatonyi-ede avi ira nilapa? Ninovivwela chisoni vinjinji chifukwa ya vyevyo niirile iyo, kaninaviwelela akoka, era eeno ninovepa Yehova ira anikurumuwele. Koma teto ninoira tindi ira ni-iye panga kapena ganizela vyongo vyotakala vyevyo vyaniiri-ile ira nipange chimolo. Wenjedela vevo ninoesaesa arela makundo a Yehova amakalelo apama vamoywi-u. — Welengani Yesaya 55:6, 7.
2. Kodi Yehova una-indi-eda chito avi andimuwa ira kanikami-e nachimwa?
Napanga chimo lilukulu, Yehova unoniwandela ira ‘niitane andimuwa a pingo.’ (Welengani Yakobo 5:14, 15.) Andimuwa kanoomeliwana Yehova na kosa daye. Aluwa kanofunji-iwa pama mwemo kananikami-edeleathu, na yolinga yoi nikaleve akoka vausamwali wapama na Yehova. — Agalatiya 6:1.
Kodi andimuwa kananikami-a avi napanga chimo lilukulu? Andimuwa ambin’li kapena araru, kano-indi-eda chito makundo a m’malemba vonikami-a zindikila ira vyevyo niirile iyo pivyolakweya. Aluwa kanoniva-a malangizo nonilimbi-a na yolinga yoi nipewe panga akoka chimolo. Vofuna teteza ira pingo ukale owela, andimuwa kanomuchosecha mupingo muthu upangile chimo lilukuluyo chifukwa yoi katonyiedile murima olapa, na yolinga yoi kasokoneze athu amo-iwa mupingomo.
FUNJEDANI VYOWENJEDELEYA
Onani vyevyo munaire nyo ira muyamikelenga vyevyo Yehova unaira liye vonikami-a napanga chimo lilukulu.
3. Ulula machimwi-u unonikami-a ira nikale akoka vausamwali na Yehova
Napanga chimo lililetene Yehova unokumudwa, eeno ninoira pama ulula wa liye. Welengani Salimo 32:1-5, era eeno tapanyani yofuka yo-arelela:
Chifukwa n’ni ninafuneela ulula machimwi-u wa Yehova, m’malo momubisela?
Naulula machimwi-u wa Yehova ninafuneela teto awandela andimuwa, moi ira vyevi unokami-a ira vyongo viambeele niendela pama. Onelani VIDIYO, era eeno tapanyani yofuka yo-arelela.
Muvidiywela, kodi andimuwa kakami-ile avi Canon ira awelele wa Yehova?
Nikalenga omasuwa vowasambaulela andimuwa vya chimo li-u teto niawandelenga vyoona. Aluwa kanofuna nikami-eda. Welengani Yakobo 5:16, era eeno tapanyani yofuka yo-arelela:
Chifukwa n’ni andimuwa katinavuteya nikami-a naawandela vyoona vyokuza chimo li-u?
Muululenga machimwinyu wa Yehova, muawandelenga andimuwa vyoona koma teto musomedelenga ilango yokumela wa Yehova ineyo unaipeleka liye mwachikondi
4. Yehova unotonyi-eda chifundo wa athu ochimwa
Akala muthu unoyo upangile chimo lilukulu koma kanafuna lapa, koma teto arela makundo a m’Malemba unochosiwecha moi iyo kaninafuneela waledangana. Welengani 1 Akorinto 5:6, 11 era eeno tapanyani yofuka yo-arelela:
Monga mwemo yonyakuwi-a inanyakuwi-elaathu muranda wetene, kodi waleda na muthu ochimwa unoyo aalapile unakuze avi pingo wetene?
Vosazi-eda mwemo Yehova munatonyi-edela liye chifundo athu ochimwa, andimuwa kanoesaesa kami-a athu anayo kachosiwe mupingo. Athu anjinji anayo kachosiwe mu pingo, kowelela chifukwa ya ilango ineyo kava-iweathu. Ngakale ira chosiwa mu pingo kovoreya vinjinji, chosiwa mu pingo owakami-a zindikira ira vyevyo kapangile athu pivyolakweya.- Salimo 141:5.
Kodi mwemo Yehova munapangelanga liye vyongo na athu ochimwa, vinatonyi-eda avi ira unowavwechecha, ngwachifundo koma teto wachikondi?
5. Yehova unokurumuwela muthu unoyo ulapile
Yesu o-indi-eda chito fanizo lelo linanikami-a vwechecha mwemo Yehova munavwela liye muthu ochimwa alapa. Welengani Luka 15:1-7, era eeno tapanyani yofuka yo-arelela:
Kodi fanizoli linaufunji-ani n’ni vyokuza Yehova?
Welengani Ezekiyeli 33:11, era eeno tapanyani yofuka yo-arelela:
Kodi muthu unafuneela panga n’ni votonyi-eda ira ulapa?
Mofwanafwana na m’busa Yehova unosamalela mwachikondi kosa daye
ATHU AMO-IWA KANAONGA IRA: “Ndinaova ira ndaulula chimo langa wa andimuwa kanondichosa mupingo.”
Kodi muthu unoyo un’na maganizo anala munamuwandele vyoi vai?
VYEVYO NIFUNNJEDILE IYO
Akala muthu upangile chimo lilukulu nolapa kumela vati vamurima koma teto simikiza ira kanapanga akoka chimolo, Yehova unomukurumuwela.
Vyofuka Vyoweli-eda
Chifukwa n’ni ninafuneela ulula machimwi-u wa Yehova?
Kodi ninafuneela panga n’ni ira Yehova anikurumuwele machimwi-u?
Akala nipangile chimo lilukhulu, chifukwa n’ni ninafuneela vepa andimuwa ira kanikami-ede?
ONANI VIMO-I
Onani mwemo Yehova mwatonyi-edele liye chifundo muthu m’mo-iwa, va Yesaya 1:18.
Kodi chosa muthu oolapa unakami-a avi muthuyo koma teto athu amo-iwa mupingo?
Onani mwemo munamusambaulele nyo muthu woi kai wa Mboni chifukwa iwa thawi dimo-i muthu unachosiwa mupingo.
“Kodi Andimuwa Kanakami-e Avi Athu Anayo Kachosiwe Mupingo?” (Nsanja ya Olonda, Ogaste 2024)
Mukhani yoi “Ndinazindikira Kuti Ndiyenera Kubwerera kwa Yehova,” Onani chifukwa iwa muthu m’mo-iwa aonile ira Yehova umukami-a welela wa liye.
“Baibulo Limasintha Anthu” (Nsanja ya Olonda, April 1, 2012)