Oma Murima

Vyevyo Yesu Apangile Liye

VIDIYO: Yesu Oochili-a Muthu wa Vuto Lo-oona

1. Onelani VIDIYO, kapena welengani Yohani 9:1-7. Era eno kambiranani mafuso o-arelala:

1. Kodi Yesu aambeele nopanga n’ni, aambeele muchili-a muthuyo kapena aambeele nokambirana na liye uthenga wapama? — Onani Yohani 9:35-38.

2. Chifukwa n’ni ninaonge ira mwemo Yesu mwafiele liye, vyootandiza ira muthuyo avuruwane uthenga wapama?

Vyevyo Ninafunjeda Iyo Vaisazo ya Yesu

2. Thawi dinjinji muthu unokoza panga chidwi na uthengi-u aona ira ninopanga vyongo momuganizela.

Vyevyo Munapangenyo Vomusazi-eda Yesu

3. Mukalenga achifundo. Muganizelenga mwemo muthuyo munavwela liye.

1. Vifukeni ira: ‘Kodi muthula unada nkhawa na n’ni? Kodi unokoza sangalala ndangamuwandelile vyoi avi?’ Mwaganizelanga vyevi, mwachibadwa munoza mumutonyi-ede oma murima.

2. Mutonyi-edenga ira munomudera nkhawa vomuvuruwana. Auwandelani mwemo munavwela liye na khani imo-iwene kapena auwandelani mavuto anayo unagumanana liye, kamuchenjenga khani.

4. Mukalenga ooma murima koma teto aulemu. Ngati mukuzeile na muthuyo ndipo munofunechecha mutandiza, unoza azindikile vyevyo voona mwemo munaongelanyo. Musamalenga na vyevyo munaonganyo koma teto mwemo munaongelanyo ira kamumukumudwi-e.

5. Mukalenga ofunechecha tandiza. Esaesani fwanya mipata dotandizela muthuyo. Mwapanganga vyongo mooma murima kamunaza muvuteya ambeela kambirana na athu.