Panga Chidwi na Athu

Vyevyo Yesu Apangile Liye

VIDIYO: Yesu Oogumana na Zimai va Isime

1. Onelani VIDIYO, kapena welengani Yohani 4:6-9. Era eno kambiranani mafuso o-arelala:

1. Kodi Yesu aiziwa vyoi avi vyokuza zimai unola aanambeele kambirana na liye?

2. Yesu oomuwandela ira: “Mundiva-ewo ma-inje ong’wa m’mani.” Chifukwa n’ni inela yali ndila yapama yowambeela kambirana na liye?

Vyevyo Ninafunjeda Iyo Vaisazo ya Yesu

2. Vyongo vinokoza niendela pama vinjinji nakambirananga na athu khani ineyo kanapangenaathu chidwi.

Vyevyo Munapangenyo Vomusazi-eda Yesu

3. Mukalenga okozeya chenja. Kamukaamelenga ira muwambeele kambirana na muthu khani imo-ive ineyo mukozeelenyo. Munokoza ambeela nokambira khani imo-i ineyo athu kanaiwongaathu. Vifukeni ira:

1. ‘Kodi munyuzipepala mulembiwe khani yoi avi?’

2. ‘Kodi athu anayo ndiandamanilena miyo, afwanga auchito kapena afwanga ausukulu kanaonga vyoi avi?’

4. Mupangenga chidwi. Vifukeni ira:

1. ‘Kodi muthula unapanga n’ni? Kodi unaganiza vyoi avi?’

2. ‘Kodi vyowara vyevyo uwarile liye, mwemo munaoneela liye kapena mwemo vande vae valiliathu vinandiwandela n’ni vyokuza ikalelwae koma teto vyevyo unaroromela liye?’

3. ‘Kodi ila chithawi yapama yoi ndiwalede na liye?’

5. Muvuruwanenga.

1. Kamuongenga vinjinji.

2. Mumuva-enga mpata ofotokoza maganizwae. Ngati vili vyowandeya, munokoza mufuka mafuso.