Mwemo Muna-indi-edele Iyo Chito Mavidiyo Oonga Vyofunjeda Baibulo

Nikaana mavidiyo 4 oonga vya funjeda wa Baibulo anayo nina-indi-eda iyo chito nakala muutumiki. Kodi iliyetene mwa mavidiyo anala yakoziwe mundila yoi avi?

• 

  Mwasiwa Ngwan’ni Ninafuneela Funjeda Baibulo? — Yokwakwanela yoopangiwa na yolinga yoi ikopenga chidwi ya muthu yokuza Baibulo mo-olandela ira uli mu ipembezo iivi. Inolimbi-a athu ira kasaelenga m’Baibulo vyosomeda vya vyofuka vilukuluvilukulu vyokuza moyo teto inopeleka isazo ya vyosomeda vyo-inda murima vyevyo vinafwanyeyamo. Inosambaula teto mwemo muthu munavepele liye puziro la Baibulo.

• 

  Mwasiwa Ngwan’ni Ninafuneela Funjeda Baibulo? (vidiyo yokwiiva) chofwanafwana na vidiyo yokwakwanela koma chookwiiva. Inokami-eda vinjinji mu gawo lelo athwiwa kanakala amabize vinjinji.

• 

  Vidiyo yoi N’nga Funjeda wa Baibulo Unaireecha Avi? yoopangiwa na yolinga yoi ikopenga chidwi ya athu yokuza puziro la Baibulo laserele koma teto inosomeda vyofuka vyevyo athu kanafukaathu wiliwili vyokuza puziroli tangani-avo vyevyo kanaireaathu ira kavepe puziro la Baibulo.

• 

  Vidiyo yoi Sangalalani Pophunzira Baibulo yoopangiwa na yolinga yoi ofunjeda Baibulo kaonelenga kakeda ambeela wene funjeda Baibulo. Masiki ira vidiywela yoosambauliwa va takuru 2 la buku loi Sangalalani na Myoyo Mpakana Walewale, munokoza muoni-a mwaambeela funjeda bukuli. Vidiywela inosambaula vyevyo vili m’bukuli koma teto vyevyo wofunjeda unayembekezele liye vathawi ya puziro.

Masiki ira vidiyo iliyetene yoopangiwa na yolinga yavadela, iliyetene mwa mavidiywala inokoza oni-iwa kapena tumiziwa wa muthu akala vinafuneela ira vikale eeno. Ofalisa kanolimbi-iwa ira kaaiziwe pama mavidiywala koma teto ira kaa-indi-edenga chito kakala muutumiki.