Mufufuzenga Makundo Otandiza Anayo Munaa-indi-ede Nyo Chito

Nawelenganga Baibulo ninokoza fwanya makundo otandiza vofufuza vinjinji vyokuza khani ineyo ninawelenga iyo. Ndiye kodi ninapange avi ira nipindulenga vinjinji?

Mufufuzenga modii-a khani da m’Baibulo. Mwaisazo, mufufuzenga ira muiziwe athu anayo kalembile, athu anayo kaalembelaathu mawayo koma teto thawi ineyo kalembileathu vyongovyo. Kodi vyongo vyali avi vathawiyo nanga chin’ni yaireile ka-analembe vyongovyo, nanga chin’ni yaireile vanduli viwa?

Muganizelenga vyevyo munafunjedavo nyo vofufuza mayankho a mafuso ngati ala: ‘Kodi athu anayo karomoliwe mukhaniyo kavwa avi m’murimani? Kodi katonyi-edile makalelo aavi? Chifukwa n’ni ndinafuneya arela makalelwiwa kapena apewa?’

Mu-indi-edenga chito vyevyo mufunjedile nyo muutumiki kapena teto vyevyo mufunjedile nyo vopanga vyongo na athu amo-iwa. Mwapanganga vyevi, munotonyi-eda zelu da Mulungu monga mwemo Baibulo linaongelaathu ira: “Uliwetene wazelu unoona vyongo vyevi.” — Sal. 107:43.

• Vyongo vyevyo vinautandizeni: Muonenga mwemo khani da vamisonkano damuwari mwa mulungu vagawo loi Chuma Yofwanyeya M’mawu a Mulungu, dinanitandizelaathu indi-eda chito vyevyo nifunjedile iyo. Thawi dinjinji khani dedi dinokalecha na mafuso anayo ninavifuke iyo, makundo anayo ninaaganizele iyo koma teto vithuzithuzi.