KHANI YOFUNJEDA 15
NYIMBO 30 Atate Wanga, Mulungu Wanga Ndiponso Bwenzi Langa
“Andamela wa Mulungu Chiyongo Yamapa” Vinjinji wa Iyo
“Koma wa miyo, andamela wa Mulungu chiyongo yapama.” — SAL. 73:28.
VYEVYO NINAFUNJEDE IYO
Mukhanila ninokambilana vyevyo ninapange iyo ira Yehova akale fwi-u koma teto mwemo panga vyevi unanikami-eleathu.
1-2. (a) Kodi ninafuneya panga n’ni ira muthu m’mo-iwa akale fwi-u? (b) Kodi ninakambilana n’ni mukhanila?
KODI nyo mukaana fwinyu wa vamurima? Kodi mwaambeele avi gwilizana na liye? Mwina moowaleda na liye, iziwa mavuto anayo agumanilena liye, iziwa vyevyo unaomeliwana liye koma teto vyevyo unaidanana liye. Mwina moona ira ukaana makalelo apama anayo munafuneya nyo asazi-eda moi vyevi vyooupangi-ani ira mumuomeliwengana vinjinji.
2 Ira muthu akale fwi-u vanafuneya thawi koma teto tindi. Mu pumwemo teto vinakalelaathu na usamwali-u na Yehova. Mukhanila ninokambilana vyevyo ninapange iyo ira Yehova akale fwi-u koma teto mwemo panga vyevi unanikami-eleathu. Yowambeela tiyemoni nikambilane chifukwa iwa ninafuneya ira Yehova akale fwi-u wa vamurima.
3. Chifukwa n’ni ninafuneya ganizela upama wokala va usamwali na Yehova? Pelekani isazo.
3 Mookaikela, munokoza somedela ira kala fwae wa Yehova chiyongo yapama vinjinji. Koma ganizela upama wokala fwae wa Yehova unokoza nilimbikisa ira nipitilize limbi-a usamwali-u na liye. (Sal. 63:6-8) Mwaisazo, ninokoza iziwa ira dja yodja yova-a thanzi, panga masika olimbi-a thuthu, vuma mokwakwanela koma teto ng’wa ma-inje anjinji kofuneya. Koma athu anjinji katinaganizela vyongo vyevi moi katinasamalela thanzi liwa. Koma muthu aganizelanga upama wopanga vyevi pavevo unavilimbi-eda liye vipanga. Mofwanafwana na vyevi, ninoiziwa ira kala va usamwali wapama na Yehova kofuneya vinjinji. Koma ganizela upama unoyo unakalavo kuwewo unanilimbikise ira niesaesenga limbi-a usamwali-u na liye. — Sal. 119:27-30.
4. Kodi mawu a va Salimo 73:28, kanatonyi-eda ira wolemba Salimola avivwa avi?
4 Welengani Salimo 73:28. Unoyo alembile Salimo 73 ali Mlevi unoyo asakuliwe ira aimbenga nyimbo va kachisi wa Yehova. Vinaoneya ira liye ali atumikelanga Yehova wathawi indendai. Koma vathawi imo-iwa afuneya viumbucha koma teto umbucha athu amo-iwa ira andamela wa Mulungu kwapama vinjinji. Kodi upamiwa ngoi avi?
“ANDAMELA WA MULUNGU” UNOPANGI-A IRA NISANGALALENGA
5. (a) Chifukwa n’ni ninasangalala nakala va usamwali na Yehova? (b) Mogwilizana na Miyambo 2:6-16, kodi zelu da Yehova dinanikami-e avi, nanga dinaniteteze avi?
5 Nakala va usamwali na Yehova ninokala osangalala vinjinji. (Sal. 65:4) Chifukwa n’ni vili eno? Yowambeela, vyongo vinoniendela pama chifukwa yo-arela malangizo ofwanyeya m’Mawae Baibulo. Malangizo anala kanoniteteza ira kanipangenga vyotakala koma teto ira kanilakwi-enga vyongo vinjinji. (Welengani Miyambo 2:6-16.) Chichifukwa iwa Baibulo linaonga ira: “Wosangalala ngu muthu unoyo unafwanya zelu, ngu muthu unoyo unafunjeda vyongo vyevyo vinamukami-e kala ozindikila.” — Miya. 3:13.
6. Kodi chin’ni yapangi-ile ira olemba masalimola akumudwe?
6 Pivyoona ira afwae a Yeova kanokoza kumudwa. Vathawi imo-iwa unoyo alembile Salimo 73 ookumudwa chifukwa yoganizela vyongo vyolakweya. Liye ookumudwa chifukwa oona ira athu otakala anayo kataova Mulungu kapena arela makundwae vyongo vyoowaendela pama. Liye oona molakweya ira athu achiwawa koma teto ovikuza kookala olemela, athanzi koma teto katagumana na mavuto. (Sal. 73:3-7, 12) Liye oosokonezeya maganizo moi vathawi imo-iwa oowambeela kaikela akala tumikela Yehova wali wapama. Chifukwa yokumudwa liye oofiya voonga ira: “Ndithu, ndiweli-a murimanga vachabe, teto ndi-amba m’mandani mwanga vachabe votonyi-eda ira ndili oolakwa.” — Sal. 73:13.
7. Kodi chin’ni inanikami-e ira ni-iye kumudwa? (Onani Ithuzithuzi .)
7 Ngakhale ira olemba Salimoli ookumudwa vinjinji, liye oopanga vyongo vyevyo vyamukami-ile chenja maganizwae. Liye oovolowa “m’malo opatuleya aulemelelo a Mulungu” moi Yehova oomukami-a. (Sal. 73:17-19) Yehova, unoyo ngu fwi-u wa vamurima unoiziwa nakumudwa. Eno yongo yofuneya ineyo ninapange iyo kupempela wa liye koma teto arela malangizo anayo unaniva-a liye zela m’Mawae koma teto zela mupingo. Nera eno ninoza nifwanye kopolo ira nivilele mavutwi-u. Ngakhale nangana nkhawa vinjinji, Yehova unokoza nimiyali-a nonikami-a kala osangalala. — Sal. 94:19.a
Mlevi unoyo unalemba Salimo 73, uimela “mʼmalo opatuleya aulemelelo a Mulungu” (Onani ndima 7)
“ANDAMELA WA MULUNGU” UNONIKAMI-A KAANA MOYO WAPAMA KOMA TETO KAANA IDEDI-EDO
8. Kodi kala va usamwali na Yehova unanikami-a teto mundila diivi?
8 Andamela wa Mulungu unonikami-a teto mundila dimo-i dofuneya. Yowambeela, ninokaana moyo wapama. Yanambili, ninokaana idedi-edo yakopolo. (Yer. 29:11) Moi tiyemoni nikambilane makundo ambiilala.
9. Kodi kala va usamwali na Yehova unanikami-a avi ira nikaena moyo wapama?
9 Nakala va usamwali wapama na Yehova ninokaana moyo wapama. Athu anjinji malambwano anayo katinaroromela ira Mulungu ukalawo, katinaiziwa chifukwa iwa nina moyo, moi kanaganiza ira vavira thawi athu etene kanoza kakhwe. Koma iyo nifunjeda m’Mawu a Mulungu teto ninororomela ira Mulungu “ukalawo moi unopeleka mphoto wa athu anayo kanamusaelasaela na murima wetene.” (Aheb. 11:6) Yehova oonilenga ira nimutumikelenga. Eno ngakale malambwano namutumikelanga ninokala osangalala vinjinji. — Doto. 10:12, 13.
10. Mogwilizana na Salimo 37:29, kodi athu anayo kanaroromela Yehova kan’na idedi-edo yoi avi?
10 Athu anjinji kanaona ira moyo ngunola wokedanga dowa uchito, kaana banja koma teto sunga ndalama doi kaze kadi-indi-ede chito kaza kakalamba. Vya Mulungu katinaviganizela ngakale vang’ono. Koma iyo ninoiziwa ira Yehova unosamalela atumikae. (Sal. 25:3-5; 1 Tim. 6:17) Ninororomela Mulungu moi ninoiziwa ira unoza akwakwaneli-ede vyevyo unilonjezile liye. Nikaana idedi-edo ira usogolowu ninoza nimulambelenga Yehova mpakana walewale m’Paradaiso. — Welengani Salimo 37:29.
11. Kodi inaireya chin’ni nakala va usamwali na Yehova, nanga liye unavwa avi?
11 Kala va usamwali na Mulungu kokami-a teto mundila dimo-i. Mwaisazo, Yehova unonilonjeza ira unerenga nikululukela machimwi-u nalapa. (Yes. 1:18) Eno kaninakeda viimba mulandu chifukwa ya vyevyo nalakwi-ile iyo wale. (Sal. 32:1-5) Moi ninokala osangalala naiziwa ira ninomusangalasa Yehova. (Miya. 23:15) Onga vyoona, vikala madaliso anjinji anayo ninafwanya iyo chifukwa yokala va usamwali wapama na Mulungu. Koma kodi ninaulimbi-e avi usamwali unola?
KODI NINAPITILIZE AVI “ANDAMELA WA MULUNGU?”
12. Kodi pivyongo viivi vyevyo mupangile nyo ira mukale va usamwali na Yehova?
12 Akala muli Mkristu wobatiziwa, vinakeda tonyi-eda ira muli wale va usamwali na Yehova. Mufunjeda makundo anjinji oona okuza Yehova Mulungu na Yesu Kristu, moolapa machimwinyu, munororomela vinjinji Mulungu moi munoesaesa panga vyevyo unafuna liye. Koma ira nikaleve fwae wa Mulungu, ninafuneya pitiliza panga vyevi. — Akol. 2:6.
13. Kodi pivyongo viraalu viivi vyevyo vinanikami-e ira nipitilizeve kala va usamwali na Yehova?
13 Kodi chin’ni inanikami-e ira nikaleve va usamwali na Yehova? (1) Ninafuneya pitiliza welenga koma teto funjeda Mawu a Mulungu. Nafunjedanga, yolinga yi-u kikalenga iziwa makundo owambeela a m’Baibulo okuza Mulungu. Koma ikalenga saela vyevyo Mulungu unafuna liye ira nipangenga, no-arelanga makundwae anayo ninaafwanya iyo m’Mawae. (Aife. 5:15-17) (2) Ninafuneya limbi-a iroromelo yi-u voganizela umboni woi liye unoniomeliwana. (3) Ninafuneya teto pitiliza idana na vyongo vyevyo Yehova unaidanana liye koma teto iya gwilizana na athu anayo kanapanga vyevyo. — Sal. 1:1; 101:3.
14. Mogwilizana na 1 Akorinto 10:31, kodi ninapange n’ni ira nimusangalasenga Yehova dambo lililetene? (Onani teto vithuzithuzi.)
14 Welengani 1 Akorinto 10:31. Ninafuneya pitiliza panga vyongo vyevyo vinamusangalasa Yehova. Vikala vyongo vyevyo ninafuneya iyo panga ookala kedanga laleela kapena fwanyeya vamisonkano. Vyoira vi-u vya dambo lililetene vinafuneya musangalasanga Yehova. Mwaisazo, Yehova unosangalala nakala oona murima va vyongo vyetene koma teto naava-anga amo-iwa vyongo. (2 Akor. 8:21; 9:7) Yehova unosangalala teto nasamalelanga thanzi li-u. Mwaisazo, ninafuneya kalanga osamala na vyevyo ninadja iyo kapena ng’wa nopanganga vyevyo vinanikami-e ira nikaena thanzi lapama. Yehova unoniomeliwana vinjinji aonanga ira ninoesaesa panga vyongo vyevyo vinamusangalasa ngakale va vyongo vyooneya ngati ving’onong’ono. — Luka 16:10.
Yehova unosangalala naendi-anga galimoto mosamala, panga masika olimbi-a thuthu, dja yodja yova-a thanzi koma teto kala ova-a (Onani ndima 14)
15. Kodi Yehova unafuna ira nipangenga avi vyongo na athu amo-i?
15 Yehova unoomela murima athu olungama na oolungamene. (Mat. 5:45) Liye unafuna ira na-iyene teto nipangenga vyongo moganizela athu amo-iwa. Mwaisazo, Mkristu unafuneya esaesa ira ‘kaongelenga vyotakala muthu uliwetene, koma teto kakanganenga na athu, koma akalenga ofaasa wa athu etene.’ (Tito 3:2) Eno kaninanyoza athu amo-iwa chifukwa yoi katinaroromela Yehova. (2 Tim. 2:23-25) Ninokala va usamwali na Yehova naesaesanga kala ooma murima koma teto oganizela afwi-u.
NINOKOZA KALA VA USAMWALI NA YEHOVA NGAKALE NALAKWI-A VYONGO VIMO-I
16. Kodi wolemba Salimo 73 avivwa avi vangavirile thawi?
16 Kodi munapange avi akala muwambeele viona ira kamuli ofwanelela omeliwa na Yehova? Monga mwemo nionele iyo wale, muthu unoyo alembile Salimo 73 naliyene teto ookaana maganizo ngati anala. Liye oonga modandaula ira: “Manyalwanga ka-alile vang’ono olowa, manyalwanga kakede ala vang’ono tereneya.” (Sal. 73:2) Liye oonga ira murima oomuvoreya, ali ookaana zelu, koma teto ali ngati inyama yooganiza pama vamaso va Yehova. (Sal. 73:21, 22) Kodi oofiya voganiza ira Yehova kanamuomeliwe teto nawili chifukwa ya vyongo vyevyo alakwi-ile liye? Tiyemoni nione.
17. (a) Kodi wolemba salimo apangile avi va thawi ineyo akumudwile liye vinjinji? (b) Kodi ninafunjeda n’ni va isazwae? (Onani teto vithuzithuzi.)
17 Kavavirile thawi indendai ira olemba Salimola azindikile ira Yehova kamutatilile. Vinaoneya ira angakumudwile vinjinji oozindikila ira afuneya limbi-a usamwalae na Yehova. Moi oofiya voonga ira: “Sopano miyo ndili na nyo [Yehova] thawi detene. Mundi-inda na ndanda linyu lamanda. Munondisogolela na malangizwinyu moi vanduli viwa munoza mundiva-e ulemelelo.” (Sal. 73:23, 24) Na-iyene teto nakumudwa nipempelenga wa Yehova ira aniva-e kopolo. (Sal. 73:26; 94:18) Ngakale nyalo li-u lingatereneile, kanikaikelenga ira Yehova ngu libwe li-u lolimba moi “ngokozeya kululuka.” (Sal. 86:5) Vathawi ineyo nikumudwile iyo vinjinji pavevo teto ninafuneya iyo limbi-a usamwali-u na Mulungu. — Sal. 103:13, 14.
Naona ira iroromelo yi-u iyambeela yeva, nilimbi-enga usamwali-u na Yehova vopanga vyongo vinjinji vyokuza lambela (Onani ndima 17)
NINOZA NIPITILIZE “MUWANDAMELA MULUNGU” MPAKANA WALEWALE
18. Chifukwa n’ni ninaonge ira andamela wa Yehova kuna malile ?
18 Kavali malile va khani yomuwandamela Mulungu koma teto muiziwa pama. Baibulo linaonga ira zelu da Yehova tidodii-a koma teto zelu dae “tidorucha divwechecha.”— Arom. 11:33.
19. Kodi buku la Salimo linanisimikizela vya n’ni?
19 Lemba la Salimo 79:13 linaonga ira: “Iyo athwinyu koma teto khosa dedo munaweta nyo, ninoza niuyamikeleni mpakana walewale. Moi ninoza nilengeze ira nyo muli wofwanelela tamandiwa umibadomibado.” Na-iyene teto napitiliza limbi-a usamwali-u na Mulungu ninoza niwachele madaliso mpakana walewale, moi ninoza nionge ira: “Mulungu ngu libwe langa lolimba la murimanga koma teto cholowa yanga mpakana walewale.” — Sal. 73:26.
NYIMBO 32 Khalani Kumbali ya Yehova!
a Athu anayo kanakumudwa kapena kaana nkhawa wa thawi indendai kanokoza funeya likami-edo lachipatala. Ira muiziwe vinjinji onani Sanja ya Olonda, ya Na. 1 2023.