Malifalensi a M’malemba Kanokoza Ukami-ani

Malifalensi a m’Baibulo la Ilambo Isha la Malemba Opatuleya kanotonyi-eda ira mbali do-iyana-iyana da m’Baibulo tidogwilizana. Vofuna ukami-ani fwanya malemba amo-i anayo kaana makundo owenjedela va khani ineyo munawelenga nyo. Malifalensala na vilembo ving’ono ng’ono viwa vinofwanyeya usogolo wa mawu. Mu Baibulo losindikiziwa munokoza fwanya vilembo vyofwanafwana na vyevyo vinafwanyeya va bokosi la vaari va Baibulo ira mufwanye malemba amo-i anayo kaana khani yofwanafwana na ineyo munawelenga nyo. Va jw.org kapena va JW Library^® togonyani ilembweyo ira muone malemba amo-iwa.

Malifalensi kanokoza ukami-ani ira mufwanye vyongo ngati vi:

Fwanya Khani Yofwanafwana na Ineyo Munawelenga Nyo: Lifalensi inokoza ulandelani umalemba amo-iwa anayo kaana khani yofwanafwana na ineyo munawelenga nyo. Mwaisazo, onani lemba la 2 Samuweli 24:1 na lemba la 1 Limbili 21:1.

Fwanya Wewo Mawu Amo-iwa Kanakumelaathu: Lifalensi inokoza ukami-ani iziwa wewo mawu amo-i katukuliweathu. Mwaisazo, onani lemba la Mateyu 4:4 na Dotoronomo 8:3.

Kwakwaneli-ediwa wa Ulosi: Lifalensi inokoza ukami-ani iziwa mwemo ulosi umo-iwene wakwakwaneli-ediweathu. Mwaisazo, onani lemba la Mateyu 21:5 na Zakariya 9:9.