Sanja ya Namaing'anela LAIBULALE YA VA INTERNETI
Sanja ya Namaing'anela
LAIBULALE YA VA INTERNETI
Kokola
  • BAIBULO
  • MABUKU
  • MIGUMANO
Kokola Publications (2013-2025)
Kumani
Volowani
Sanja ya Namaing'anela LAIBULALE YA VA INTERNETI
Sanja ya Namaing'anela
LAIBULALE YA VA INTERNETI
Niuwachelani
Laibulalela inokami-a athu saela mabuku okumi-iwa na Mboni da Yehova mu viwongelo vyo-iyana-iyana
Ira mubashaari mabuku, dowani va jw.org.
Vilengezo
Viwongelo visha: Betsimisaraka (Northern), Betsimisaraka (Southern), Konkomba, Matses, Mi'kmaq
  • Peeno

Lolemba, Okotobala 13

Yehova unoona m’murima. — 1 Sam. 16:7.

Ngati thawi dimo-i ninavuteya na maganizo oviona ngati achabechabe, niumbuwelenga ira Yehova ngunoyo anikokile. (Yoh. 6:44) Liye unoona vyapama mwa iyo vyevyo kaninavione ndipo unoiziwa murimi-u. (2 Lim. 6:​30) Eno kanikaikelenga aniwandelanga ira nili antengo wavadimu. (1 Yoh. 3:​19, 20) Na-anafunjede choonadi, anjinji a iyo noopanga vyongo vyoi ninoviimbana mulandu mpakana vano. (1 Pe. 4:3) Ngakale Akiristu ororomeleya kanolimbanave na murima ofuna panga vyotakala. Kodi nyo munoviimbave mulandu? Ngati chi eno, iziwani ira atumiki anjinji ororomeleya a Yehova kookala kaviimbanga mulandu. Mwaisazo, mtumwi Paulo oovivwela chisoni aganizela vyevyo alakwi-ile liye. (Arom. 7:24) Pivyoona ira Paulo oolapa machimwae koma teto badiziwa. Komave liye ooviromola ira ngu “mung’onong’ono vinjinji va atumwi etene” koma teto ali “ochimwa vinjinji.” — 1 Akor. 15:9; 1 Tim. 1:15. w24.03 27 ¶5-6

Funjeda Malemba Dambo na Dambo—2025

Lachiwili, Okotobala 14

Aliwa koo-iya nyumba ya Yehova Mulungu. — 2 Lim. 24:18.

Khani ya Mwene Yehoasi inonifunji-a ira ninafuneela sakula afwi-u anayo kananikami-e ira nipangenga vyapama. Nisakulenga athu anayo kanamuomeliwana Yehova koma teto anayo kanafuna musangalasa. Kanikedenga waleda na athu a usinkhwi-u oka. Umbuwelani ira Yehoasi ali n’ng’onong’ono voerekezela na fwae Yehoyada. Mwasakulanga afwinyu muvifukenga ira: ‘Kodi aliwa kanondikami-a ira ndiroromelenga vinjinji Yehova? Kodi kanondilimbikisa ira ndi-arelenga makundo a Mulungu? Kodi kanoomeliwana onga vya Yehova koma teto imbarimbari yae yantengo wavadimwila? Kodi kanolemekeza makundo a Mulungu? Kodi aliwa kanakedecha ndiwandela vyongo ira kandisangalase kapena kanolimba murima nondiwandela vyevyo ndinalakwi-a miyo?’ (Miya. 27:5, 6, 17) Onga vyoona athu anayo katinamuomeliwana Yehova katinafuneela kala afwinyu. Koma ngati mun’na afwinyu anayo kanamuomeliwana Yehova, pitilizani waleda na anayo chifukwa kanongoukami-ani. — Miya. 13:20. w23.09 9-10 ¶6-7

Funjeda Malemba Dambo na Dambo—2025

Lachitatu, Okotobala 15

Miyo ndili Alefa na Omega. — Chiv. 1:8.

Mawu oyi alefa kanafwanyeya umaambeelelo wa afabeti ya Chigiriki ndipo mawu oyi omega kanafwanyeya umapeto. Vo-indi-eda chito mawu oyi “Alefa na Omega,” Yehova atonyi-edile ira aambeela panga yongo kana-iya mpakana inga wandeile. Angakede mulenga Adamu na Hava, Yehova oowadalisa noawandela ira: “Mubalane, muinjive, muzaale ilambo yavati ndipo muiing’anele.” (Gen. 1:28) Vathawi inela vyali ngati Yehova unaonga ira “Alefa.” Veva liye oofotokoza movweya pama yolinga yae. Yolingeyo yali yoi vavira thawi, a-ima a Adamu na Hava anayo kakale angwilo koma teto ovwela kazaale ilambwela noisakaeda ira ikale Paradaizo. Vathawi inela pavevo vyakaleathu ngati uongile ira “Omega.” Angamari-ile lenga “udimu na ilambo yavati koma teto vyetene vyevyo vili mwemo,” oonga mawu osimikizela ira yolinga yae inoza iwandeye. Oosimikizela ira yolinga yae yokuza ilambo koma teto athu kinaza ilepeleya. Yolinga inela yakwakwaneli-ediwa umapeto wa dambo la 7. — Gen. 2:1-3. w23.11 5 ¶13-14

Funjeda Malemba Dambo na Dambo—2025
Niuwachelani
Laibulalela inokami-a athu saela mabuku okumi-iwa na Mboni da Yehova mu viwongelo vyo-iyana-iyana
Ira mubashaari mabuku, dowani va jw.org.
  • Kokola
  • Va-ani amo-i
  • Vyosakula
  • Copyright © 2025 Watch Tower Bible and Tract Society of Pennsylvania
  • Vyevyo Vinafunanyo Arela
  • Malamulo Osunga Chisisi
  • Privacy Settings
  • JW.ORG
  • Volowani
Va-ani amo-i