MURU 01
Kodi Baibulo Linaukami-eni avi?
Etene iyene ninovifuka vyofuka vyokuza moyo, vuteya, khwa koma teto sogolo li-u. Ninofunechecha iziwa vyevyo ninapange iyo ira nilimbane na mavuto anayo ninagumanana iyo dambo na dambo, monga oofwanya ndalama dokwakwanela koma teto vyevyo vinanipangi-e ira nikalenga mosangalala m’banja li-u. Athu anjinji kanaona ira Baibulo linowakami-a fwanya vyosomeda vya vyofuka vyofuneya koma teto kanofwanya malangizo ororomeleya. Onga vyoona, Baibulo linokoza kami-a muthu uliwetene.
1. Kodi pivyofuka vimo-i vyiivi vyevyo Baibulo linasomedaathu?
Baibulo linosomeda vyofuka vyofuneya monga vyoi: Kodi moyo wambeele avi? Kodi yolinga ya moyo chin’ni? Chifukwa n’ni athu apama kanavuteya? Kodi inaireya chin’ni muthu akhwa? Voi uliwetene unofuna murendele, chifukwa n’ni vailambwela vanaireya kondo? Chin’ni inaze iireele ilambwela usogolowu? Baibulo linonilimbikisa ira ninoza nifwanye vyosomeda vya vyofuka ngati vyevi moi athu mamiliyoni anjinji koofwanya vyosomeda vyo-inda murima vya vyofuka ngati vyevi.
2. Kodi Baibulo linanikami-e avi ira nisangalalenga?
M’Baibulo mukala malangizo apama. Mwachisazo, linosambaula vyevyo mabanja kanaireathu ira kakalenga mosangalala. Linopeleka teto malangizo okami-a ira kanikumbanyenga vinjinji koma teto ira niomeliwengana inda chitwi-u. Nakambilananga vyevyo vili mubukuli, munofunjeda vyevyo Baibulo linaongaathu vakhani dedi na dimo-idiwa. Munoza mufiye vovwechecha ira “malemba etene [kapena ira mawu etene anayo kali m’Baibulo] . . . mbopinduli-a.” — 2 Timoteyu 3:16.
Bukuli kalinavolowa m’malo mwa Baibulo. Koma linoukami-ani ira musaelenga makundo a m’Baibulo vaekinyu. Eeno ninoulimbikisani ira muwelengenga malemba anayo ka-eliwe muphuzilo lililetene, vanduli viwa mufwanafwani-enga na vyevyo munafunjeda nyo.
FUNJEDANI VYOWENJEDELEYA
Saelani mwemo Baibulo likami-edileathu athu amo-iwa, vyevyo munapange nyo ira musangalalenga voliwelenga teto riya ovepa athu amo-iwa ira kaukami-eni livwechecha.
3. Baibulo linokoza nikami-a
Baibulo lili ngati nyale yowala vinjinji. Linokoza nikami-a ira nisakulenga vyongo mwazelu, koma teto linoniwandela vyevyo vinaze viireye usogolo.
Welengani Salimo 119:105, era eeno kambilanani vyofuka vyo-arelavi:
Kodi unoyo alembile Salimoli, aliona avi Baibulo?
Nanga nyo munalionecha avi?
4. Baibulo linosomeda vyofuka vi-u
Baibulo lookami-a muzimai m’mo-iwa fwanya vyosomeda vya vyofuka vyevyo vyamuvuti-a maganizo wachaka dinjinji. Onelani VIDIYO, era eeno kambilanani vyofuka vyo-arelavi.
Kodi muvidiywela, muzimaila an’na vyofuka vyoi avi?
Nanga funjeda Baibulo wamukami-ile avi?
Baibulo linonilimbikisa ira nifukenga vyofuka. Welengani Mateyu 7:7, era eeno kambilanani yofuka yo-arelela:
Kodi mun’na vyofuka vyoi avi vyevyo munafuna nyo ira Baibulo liusomedeni?
5. Monokoza sangalalanga mwawelenganga Baibulo
Athu anjinji kanosangalala kawelenganga Baibulo moi linowakami-a vinjinji. Onelani VIDIYO, era eeno kambilanani vyofuka vyo-arelavi.
Muvidiywela, kodi anyamata kaiona avi khani yowelenga mabuku?
Ngakale ira kataomeluwana welenga mabuku, chifukwa n’ni kanaomeluwana welenga Baibulo?
Baibulo linoniva-a malangizo anayo kananimiali-a koma teto niva-a idedi-edo. Welengani Aroma 15:4, era eeno kambilanani yofuka yo-arelela:
Kodi munofuna vwa uthenga wa m’Baibulo unoyo unanimiyali-a koma teto niva-a idedi-edo?
6. Athu amo-iwa kanokoza ukami-ani livwechecha pama Baibulo
Enjedela vowelenga Baibulo vaekiwa, athu anjinji kanoona ira kambilana na athu amo-iwa unowakami-a ira kalivwechechenga pama. Welengani Vyoira 8:26-31, era eeno kambilanani yofuka yo-arelela:
Kodi ninaire avi ira nilivwechechenga pama Baibulo? — Onani vesi 30 na 31.
Muthu m’mo-iwa wa wu Itiyopiya oofuneela kami-ediwa na muthu m’mo-iwa ira avwecheche pama malemba. Malambwano teto athu anjinji kanaona ira kwapama ira athu amo-iwa kaakami-e livwechecha pama Baibulo
ATHU AMO-IWA KANAONGA IRA: “Funjeda Baibulo kukeda tatila thawi.”
Nyo munaganiza avi? Nanga chifukwa n’ni manaona eeno?
VYEVYO NIFUNJEDILE IYO
Baibulo linoniva-a malangizo okami-a, linosomeda vyofuka vyofuneya vinjinji, koma teto linonimiyali-a noniva-a idedi-edo.
Vyofuka Vyoweli-eda
Kodi m’Baibulo munafwanyeya malangizo oyi avi?
Kodi pivyofuka vimo-i vyiivi vyevyo Baibulo linasomedaathu?
Kodi pivyongo vyiivi vyevyo munaomeliwe nyo funjeda m’Baibulo?
ONANI VIMO-I
Onani mwemo malangizo a m’Baibulo kanakami-edelaathu athu malambwano.
“Mfundo za M’Baibulo Sizikalamba” (Nsanja ya Olonda Na. 1 2018)
Onani mwemo Baibulo lakami-edeleathu muthu m’mo-iwa unoyo an’na vuto lovikaikela ambeela angali mwana.
Onani malangizo a m’Baibulo anayo kanakami-e ira banja liendenga pama.
“Mfundo 12 Zothandiza Kuti Banja Liziyenda Bwino” (Galamukani! Na. 2 2018)
Onani vyevyo Baibulo linaongaathu vakhani ya unoyo unalamulela ilambwela ngakale ira athu anjinji kookaana maganizo olakweya vakhanila.
Chifukwa N’ni Ninafuneela Funjeda Baibulo? — Vidiyo Yokwakwanela (3:14)