MURU 02
Bayibulo Linoniva-a Idedi-edo
Vailambo yethene athu kanogumanana nyarwa. Na mwasa wa vyevi aliwa kanokhumbanya, kanovwa thangaranga, koma thetho kanovwa voreya. N’nga nyo mumbi-a gumanana vyevi? Vamo-i munozuzuma na mwasa wamarenda vamo-i muthu onoyo mwamuziveliwana nyo utatiya. Vamo-i munovifukanga ira, ‘Nirenga dambo limo-i vyongo vinoza vikhale phama?’ Munoomeliwa mwaiziwa vyosomeda vya M’Bayibulo.
1. Chi idedi-edo iivi eneyo Bayibulo linaniva-aathu?
Bayibulo linosambaula mwasiwa vailambo yethene vili nyarwa. Koma thetho likhaana milanyo daphama. Chinene veva, nyarwa dethene dinoza dimale. Vyolanyeda vya m’Bayibulo “podi uva-ani idedi-edo yaphama thetho sogolo laphama.’ (Welengani Yeremiya 29:11, 12.) Linonikhami-a vilela nyarwa dedo ninagumanana-iyo malambwano, koma thetho, ira niumbuwelenga vyaphama. Thetho linonikhami-a ira nikhale aimwerumweru vathawi ila, koma thetho wa dowa no dowa.
2. Pivyolanyeda vyiivi vya M’Bayibulo vyevyo vinaze viireye usogolo?
Bayibulo linaonga ira “dambo limo-i kunaza ukhala ukhwa, naari khumbanya naari ula naari bulela.” (Welengani Chivumbuluso 21:4.) Nyarwa dedo dinaambeeli-a zuzuma malambwano — n’nga sauwa, vyongo vyo-olongomana, marenda, na ukhwa — kavinaza vikhalawo akoka. Bayibulo linolanyeda ira athu kanoza kasangalale na ingumi yo-omala m’Paradaizo vailambo yavathila.
3. N’nga nyo munaroromele avi ira vyethene vyevyo Bayibulo linawongaathu vinoza viireye?
Athu kanofuna ira vyongo vyaphama viireye, koma aliwa katinaroromele akhala vyevyi vinaireye vamo-i naari. Koma vyevi pivyo-iyana na Bayibulo. Nyo podi roromela ira vyethene vyevyo Bayibulo linawongaathu vinoza viireye “mwafunjedanga malemba mosamala vinjinji.” (Vyoira 17:11) Funjeda Bayibulo, unoukhami-ani sakhula akhala munaroromele vyevyo Bayibulo linawongaathu vyokhuza usogolo vamo-i naari.
FUNJEDANI VYOWENJEDELEYA
Onani vyongo vimo-i vyevyo Bayibulo linalanyedaathu ira vinoza viireye usogolo. Thetho onani mwemo idedi-edo ya m’Bayibulo inakhami-edelaathu athu malambwano.
4. Bayibulo linolanyeda ira ninoza nikhalewo wa dowa no dowa oozuzuma
Lista yo-arelela inothonyi-eda vyongo vimo-i vyevyo Bayibulo linalanyedaathu. Chiivi eneyo iuwomeleni vinjinji? Mwasiwa ngwan’ni musakulile eneyo?
Welengani malemba a m’Bayibulo anayo kali usogolo wa yolanyeda iliyethene, era eeno tapanyani vyofuka vyo-arelavi:
Nyo munona ira mazu a m’Bayibulwala kanoniva-a idedi-edo? Munona ira kanokhami-a m’mo-iwa wa m’banja mwinyu vamo-i fwinyu?
Kaganizelani zakhala muilambo eneyo:
KALIVO UNAZE . . . |
ATHU ETHENE KANOZA . . . |
|---|---|
|
|
|
|
|
|
|
|
|
|
5. Vyolanyeda vya m’Baibulo podi chenja vyongo va inguminyu
Athu anjinji kanokumudwa thetho vya murima na mwasa wa nyarwa dedo kanaonaathu mu ilambwela. Athu amo-iwa kanoyesayesa ira kachenje vyongo ira vikhale phama. Onani mwemo vyolanyeda vya m’Bayibulo vyoyi yvongo vinoza vicheche vinakhami-edelaathu athu. Onelani VIDIYO, era eeno tapanyani vyofuka vyo-arelavi.
Mu vidiywela, pivyongo vyo-olongomana vyiivi vevyo vyamuzuzumi-a Rafika?
Vyongo vyo-olongomana vyaonaliye kavyamalile. Masiki vili eeno, Bayibulo lamukhami-edile avi Rafika?
Idedi-edo eneyo Bayibulo linaveleelaathu yokhuza usogolo, podi nikhami-a limbanana khumudwa koma thetho ira niwande vilela vanyarwa di-u. Welengani Miyambo 17:22 na Aroma 12:12, era eeno tapanyani vyofuka vyo-arelavi:
Nyo munona ira idendi-edo eneyo Bayibulo linaniva-aathu podi chenja vyongo vainguminyu? Mwasiwa ngwan’ni munona eeno?
ATHU AMO-IWA KANAONGA IRA: “Vyolanyeda vya Bayibulo pivyaphama vinjinji koma thetho vyaimbarimbari.”
Mwasiwa ngwan’ni kwaphama iziwa imbarimbari?
MAKHUNDO OGWADELA
Bayibulo linoniva-a idedi-edo thetho iziwa ira Bayibulo linolanyeda sogolo laphama vinonikhami-a vilela nyarwa.
Makhundo Oweli-eda
Mwasiwa ngwan’ni athu kanafuneela idedi-edo?
N’nga Bayibulo linawonga ira chin’ni inaze iireye usogolo?
N’nga idendi-edo eneyo Bayibulo linaniva-aathu inachenje avi vyongo vainguminyu?