Ngakale Ira Muli Okalamba, Muli Ofuneya Vinjinji Mupingo
“Ndaganizela mundulimu, ndinodabwa na vyongo vyevyo ndakwakwani-a miyo panga. Koma voi sopano ndili okalamba, kandinakwakwani-e panga vinjinji ngati wale.” — Connie, wachaka 83.
Mwina kamunakwakwani-a panga vinjinji chifukwa yokalamba. Ngakale ira mutumikela Yehova wachaka dinjinji, munokoza vionanga ira muli oofuneya chifukwa yoi vathawiila kamunakwakwani-a panga vinjinji. Mwaisazo, mwina munokoza erekezelanga vyevyo munapanga nyo vathawiila, na vyevyo mwapanga nyo mundulimu. Akala chi eno, kodi munapange avi ira mumali-e maganizo anala?
VYEVYO YEHOVA UNAFUNA LIYE IRA MUPANGENGA
Vifukeni ira, ‘Kodi Yehova unafuna ira ndipangenga n’ni? Munokoza fwanya yosomeda valemba la Dotoronomu 6:5, lelo linaonga ira: “Mumuomeliwengana Yehova Mulungwinyu na muriminyu wetene, moywinyu wetene na kopolo dinyu detene.”
Mogwilizana na vesi leli, Yehova unafuna ira mumutumikelenga na muriminyu wetene, moywinyu wetene, na kopolo dinyu detene. Likundo leli linokoza ukami-ani ira mupewe vierekezela na athu amo-iwa koma teto erekezela vyevyo munapanga nyo vathawiila na vyevyo mwapanga nyo mundulimu.
Kaganizelani vi: Vevo mwali nyo muzombwe, Kodi mwamuva-a n’ni Yehova? Atumiki anjinji a Yehova, kanokoza someda ira koomuva-a vyetene vyevyo kawandaathu. Vathawi ineyo pivyevyo mwakwakwani-a nyo muva-a mogwilizana na mwemo vyongo vyaliliathu vamoywinyu. Kodi vathawiila munakwakwani-a muva-a n’ni Yehova? Onga vyoona, munomuva-a vyetene vyevyo munakwakwani-a nyo mogwilizana na mwemo vyongo vililiathu vamoywinyu vathawiila. Akala munaonenga vyongo mwandila inela, munokoza ona ira munomuva-a Yehova vyetene vyevyo munawanda nyo, ngati mwemo mwapangela nyo mundulimu. Wale moomuva-a vyetene vyevyo mwawanda nyo, moi vathawiila munomuva-a teto vyetene vyevyo munawanda nyo.
Mwamuva-anga Yehova vyetene vyevyo munawande nyo vevo muli nyo okalamba, munakala ira munana muva-a vyofwanafwana na vyevyo mwamuva-a nyo mwangali muzombwe
MUNOKOZA KAMI-A VINJINJI ATHU AMO-IWA
Likundo lofuneya vinjinji tili: M’malo moonanga ira ukalamba unoulepeli-ani panga vinjinji, muonenga ira unouva-ani mwai opanga vinjinji. Monga Mkristu okalamba, vathawiila munokoza panga vyongo vimo-i vyevyo kamwavikwakwani-a vipanga vevo mwalinyo muzombwe. Mwaisazo, munokoza panga vyongo vyo-arelavi:
Mufotokozelenga athu amo-iwa vyevyo mugumanilena nyo vamoywinyu. Kaonani vyevyo Baibulo linaongaathu va mavesi o-arelala:
Mwene Davide: “Ndali mwana koma sopano ndiulukula, Kandinaonevo muthu uliwetene olungama anga-iiwe, Kapena a-imae kavepanga yodja.” — Sal. 37:25.
Yoswa: “Sopano ndi-alile vang’ono khwa, nyo munoiziwa pama na muriminyu wetene na moywinyu wetene, ira kavili mawu ngakale amo-i vamalonjezo etene anayo Yehova Mulungwinyu aongile liye, anayo katikwakwaneli-ediwe. Etene kokwakwaneli-ediwa wa nyo. Kavili ngakale mawu amo-i anayo katikwakwaneli-ediwe.” — Yos. 23:14.
Mwina nanyen’ne teto moongavo mawu ngati anala. Vyevyo Davide na Yoswa kaongileathu, vyali vyokami-a vinjinji chifukwa uliwetene oofotokoza vyevyo vyamuireele. Atumiki a Yehova ooromeleyala, koofotokoza vyongo vyevyo kaonileathu viireyanga koma teto vwa wa chaka dinjinji, eno vyevyo kaongileathu vyookami-a vinjinji.
Akala nanye’ne teto mutumikele Yehova wa thawi indendai, munokoza fotokoza vyevyo Yehova uupangeleni liye koma teto pangela athu amo-iwa. Kodi munoumbuwela thawi imo-iwa vevo mwaonile nyo Yehova akami-anga athwa-e mundila yavadela vinjinji? Akala chi eno, mukalenga omasuwa afotokozela athu amo-iwa. vyevi vinokoza alimbikisa abali na arongola ngati mwemo vyalimbikiseleathu nyoovo. Eno mwawandelanga athu amo-iwa vyevyo mwagumanilena nyo votumikela Yehova vinokoza alimbikisa vinjinji. — Arom. 1:11, 12.
Ndila imo-i ineyo munalimbikisele nyo athu amo-iwa, kufwanyeya vamisonkano vamaso na vamaso akala munakwakwani-e panga eno. Umisonkanowo munodowa mwalimbikise athu amo-iwa, koma teto munodowa mwalimbikisiwe. Connie, unoyo nimuromolile iyo walele, aongile ira: “fwanyeya vamisonkano unondikami-a ira kandifooke. Ndadowa Unyumba ya Umwene, abali na arongola kanonditonyi-eda chikondi moi kandinadandaula na iliyetene. Ndinoesaesa ava-a mphaso dotonyi-eda ayamikela koma teto ndinoonechecha ira ndipanga vyongo limo-i na aluwa.”
YEHOVA UNOYAMIKELA VYEVYO MUNAPANGA NYO VOMUTUMIKELA
M’Baibulo mukala visazo vinjinji vya athu anayo Yehova aaomeliwana liye ngakale ira katapanga vinjinji vomutumikela chifukwa ya mwemo vyongo vyaliliathu va moywiwa. Isazo ngu Simiyoni unoyo ali baba okamba wa Isaraeli unoyo an’na moyo vathawi ineyo Yesu abaluwa liye. Vinaoneya ira Simiyoni adowa wu kachisi, oona azombwe ka-indanga chito dofuneya vinjinji. Ndiye kodi Simiyoni avivwa avi? Vinaoneya ira liye aviona ira kai ofuneya wa Yehova chifukwa yoi kaakwakwani-a inda chito ngati azombwayo. Koma kai mwemo Yehova mwamuonela liye. Yehova oomuona ira Simiyoni ali “olungama koma teto ovipeleka” moi oomuva-a mwai ira amuone Yesu angali mwana. Yehova oomu-indi-eda chito Simiyoni ira aonge ulosi okuza mwanola oyi unoza akale Mesiya. (Luka 2:25-35) Veva vinakeda oneya ira Yehova kaamuona Simiyoni ngati muthu okalamba, koma oomuona ira ngu muthu wa iroromelo yolimba moi zimu Owela wali va liye.”
Yehova oomuva-a Simiyoni mwai oyi amuone Yesu angali mwana koma teto ira aonge ulosi okuza mwanola oyi unoza akale Mesiya
Nyo teto kamukaikelenga ira Yehova unoyamikela vyetene vyevyo munapanga nyo vomutumikela mororomeleya ngakale ira kamunakwakwani-e panga vinjinji. Yehova unafuna ira muthu apelekenga sembe “dedo unakwakwani-a liye o-okala sembe dedo kanadikwakwani-e.”— 2 Akor. 8:12.
Eno muganizelenga vinjinji vyevyo munakwakwani-e nyo panga. Mwaisazo, munokoza ganizela tundu wa ulaliki unoyo munakwakwani-e nyo pangana ngakale mwangapangile wathawi yoyeva. Munokoza teto kami-a athu amo-i vowaimbela foni kapena alembela kalata yowalimbikisa. Vyongo ving’onong’no ving’onong’no vyotonyi-eda chikondi, vinolimbikisa vinjinji athu amo-iwa simbwasimbwa vyakumela wa athu anayo katumikele Yehova wa thawi indendai.
Amo-iwa katinakwakwani-e panga vinjinji chifukwa ya mavuto okuza thanzi liwa. Kaonani vyevyo vyamuireele murongola m’mo-iwa wau East Africa m’bokosi loi: “Vyoovulumucha Moywae.”
Muumbuwelenga ira roromeleya winyu unokoza limbikisa athu amo-iwa. Nyo muli isazo yapama vakhani yovilela, moi kamukaikelenga ira, “Mulungu kai oolungama ira unokoza diwala chitwinyu koma teto chikondi ineyo mwaitonyi-edile nyo va zina lae, votumikela owela teto munopitilizave atumikela.” — Aheb. 6:10.
MUTANGANISIWENGA NOKAMI-A ATHU AMO-IWA
Kafukufuku m’mo-iwa, ootonyi-eda ira athu okalamba anayo kanatanganisiwa nokami-a athu amo-iwa kanokaana thanzi lapama, kanoganiza pama, koma teto kanokaana moyo olapa.
Pivyoona ira pangela athu amo-iwa vyongo vyapama kunachose mavuto etene anayo kanaza chifukwa yokalamba. Ngu Umwene wa Mulungu okha unoyo unaze umali-e mavuto anayo kanaambeeli-a ukalamba nokhwa, unoyo ngu uchimo unoyo nalandele iyo wa Adamu. — Arom. 5:12.
Komave utumiki unoyo munamupangela nyo Yehova unoyo unatangani-avo kami-a athu ira kamuiziwe, unoukami-ani ira mupitilize kaana iroromelo yolimba koma teto thanzi lapama. Akala muli okalamba, iziwani ira Yehova unoyamikela vyetene vyevyo munapanga nyo vomutumikela koma teto abali na arongola mupingo kanoyamikela isazo inyu yapama yairoromelo yolimba.