UBUMI BWITU UBWACHIKILISITU
U Yehova Akubafighilila bo Umuzimu Wabo Wapwayuka
Umuntu aliwesi akabalilo kamo akukalalagha. Te ko kuti pala umuntu akukalala ko kuti atali nu lusubilo awe. U Yehova akabalilo kamo akalangizya ukuti akakalala. (Ubwa. 6.5, 6) Loli buli pala tukukalalagha papipi-papipi pamo akabalilo kosi?
Mwipute kwa Yehova ukuti abavwe. U Yehova akumanya mo tukwiyivwila. Akumanya pala tuhobokite sona na pala tukalaye. Umwene akwivwisya ichifukwa cho tukwinong’ona nu kwiyivwa bunubo. (Sali. 7.9b) Ichakuhobosya chakuti, u Yehova akutupasikizya sona angatwavwa ukuti tumalane ni ntamyo iya kukalala-kalala nu kutamiwa inyinong’ono.—Sali. 34.18.
Mufighilile inyinong’ono zyinyu. Pala tukwinong’ona nkani vingapangisya ukuti tutakahobokaghe sona vingananga ubumanyani bwitu nu Yehova. Pa chifukwa ichi, tubaghiye ukufighilila umoyo witu nu buntu bwitu.—Sali. 34.18.
ENELEZYA IVIDIYO IYAKUTI MO ABAKAMU BAKUHOBOKELA NU MUTENDE NAPO BAKUKOMANA NI NTAMYO NU KWAMULA AMALALUSYO AGHA:
Nkimba u Nikki akabomba choni ukuti abukilile ukujimba ku ntamyo?
Choni cho u Nikki akinong’ona ukuti akulondiwa ubutuli ubwa chipatala?—Mata. 9.12
Nkimba choni cho chikulangizya ukuti u Nikki akasubila u Yehova ukuti inti amwavwe?