UBUMI BWITU UBWACHIKILISITU

Mubavwe Abantu bo Batakwiputa Ukuti Bamumanye Umupeli

Nkimba vibombiwepo lumo ukuti mukulonda ukulumbilila kwa muntu yumo loli mukwinong’ona ukuti atangivwa vyo mukulonda ukunena? Pala vili bunubu, mubaghiye ukukumbuka ukuti abantu bo batakwiputa na bo batakusubila ukuti u Chala aliko basintite nu kuba Bakaboni ba Yehova. Loli bosi banaba bakalondiwanga ubutuli ukuti basimikizye ukuti u Chala aliko naloli.—Loma 1.20; 10.14.

ENELEZYA IVIDIYO IYAKUTI MANYA UKUTI ABANTU BO BATE NU LUSUBILO BANGABA NU LUSUBILO!—ABANTU BO BATAKWIPUTA, NU KWAMULA ILALUSYO:

Nkimba tukumanyilapo choni pa vyo u Tomazo akabomba pa nkani iya kulumbilila abantu bo batakwiputa?

U ansala winyu

Mo mungabombela

Pala umuntu akunena ukuti atakusubila ukuti u Chala aliko, mubaghiye ukuba mwe bololo, mubombaghe umwamahala, sona mubanje ni chinyonywa ichakuti mwivwisye inyinong’ono zyache pa vyo mukulonda ukunenezannya. (2 Timo. 2.24) Munenezannye nawe inkani zyo angahoboka nazyo ukuti munenezannye. Nkimba ali ni chinyonywa ichakuti munganenezannya amabukaboni gho ghapangisya abantu abinji ukusubila ukuti kuli Umupeli? Pala vili bunubu, mungabombezya amabuku sona amavidiyo gho ghakulongosola ivya nkani iyi. Akabuku akakuti Kasi Vyamoyo Vikachita Kulengeka? sona na kakuti Umoyo Ukaŵako Wuli?—Mafumbo 5 Agho Tikwenera Kujifumba twanda ukwaghiwa pa Ivintu ivyakumanyisizya ukuti chitakabe chipala ukutwagha.

Pabwandilo munganda ukupanga ichizyela ichakuti mutakanenezannye nu muntu pakumubuzya ubwanaloli yo atakusubila ukuti u Chala aliko. Mungamulaba umulumbilili uwamwinyu yo ali nu luso ukuti abavwe. Tubaghiye ukukumbuka ukuti nuswe bulo u Yehova angatwavwa ukuti tubalongosolele akiza nu kubafika pamoyo napo pabwandilo batakasubilagha ukuti u Chala aliko.—Imbo. 13.48.