Mujambulaghe Ivithuzi Ukuti Mukumbukilaghe

Twebingi, vikututamya ukuti tukumbukilaghe vyo twamanyila. Loli chikuba chipepe ukukumbukila ivinthu ivyinji vyo u Yesu akamanyisyanga, ichifukwa chakuti akabombezyanga ivifwanikizyo. Nanthi mukwinong’onelapo ivifwanikizyo vyo akanenagha, vingabavwa ukuti mukumbukilaghe. Umwakuyana bulo, mungakumbukilagha ivyinji pa vyo mwamanyila nanthi muli ni vithuzi. Ka mungabomba bulibuli bunubu? Umwakujambula ivithuzi pa nkhani yo mwamanyila.

Abanthu bo bakujambula ivithuzi ivya vinthu ivipya vyo bakumanyila, akabalilo akinji vikubavwa ukukumbukila akiza. Ukubomba bunubu kutakubavwa bulo ukukumbukila amazyu loli kukubavwa sona ukukumbukila ifundo inkhulu. Ivithuzi bakuvijambula umwabupepe bulo. Sona vikulangizya ukuti na banthu abachasongo bulo bope bangapindula sana ni zila iya kumanyilila iyi.

Akabalilo akanji po mukumanyila, mwize muyezye ukujambula ivithuzi ivya vyo mwamanyila. Mungize muhoboke sana pakwennya vyo mukukumbukila!