Nkimba Mazyu Buli Amiza Aghakunena Izya Vipanga?

1. Ka ivipanga vyosi vyiza?

Mu vipanga vyosi mukwaghiwa abantu bo baghanite ubwanaloli. Ichakuhobosya chakuti u Chala akubennya sona nu kubapasikizya. Loli ichachitima chakuti, abantu bakubombezya ichipanga pakubomba ivintu ivibibi. (2 Aba Kolinti 4.3, 4; 11.13-15) Amalipoti ghakunena ukuti ivipanga vimo vyafika pakubomba nabo ubugabenga, ukughogha abantu, ukwingililapo pa nkondo, sona nukubabombela inkaza abana. Vinivi vikubakalalizya nkani bo bakumusubila u Chala!—Belenga Matayi 24.3-5, 11, 12.

Ichipanga ichabwanaloli chikumuchindika u Chala. Loli, ivyabumyasi vitakumuhobosya. Vitakumanyisya ifundo izya mu Bayibolo, loli vikumanyisya ivintu ivyabumyasi ivyakukwafannya nu Chala sona nizya abafwe. Loli, u Yehova akulonda ukuti abantu bamanye bo bwanaloli.—Belenga Aba Loma 6.23; 1 Timoti 2.3-5.

2. Nkimba pali mazyu buli amiza aghakunena izya vipanga?

Ichakuhobosya chakuti, u Chala atangazimbuliwa hagha ni vipanga vyo vikuti vimughanite, loli po vighanite u Satana ni chisu chache. (Yakobo 4.4) Ibayibolo likunena ukuti ivipanga vyosi ivyabumyasi we “Babeloni Umukulu Nkhani.” Babeloni kakaba kaya ko ivipanga ivyabumyasi vikandila bo amizi ghamala mukabalilo ka Nowa. Lunulu, u Chala akwiza ukuvyefyapo umwakuchenusya ivipanga vyo vikubalyela abantu amasuku pamutu.—Belenga Ubuvumbuli 17.1, 2, 5, 16, 17; 18.8.

Pali sona inkani inyiza. U Yehova atakuluvya abantu bo baghanite ubwanaloli loli bali mu vipanga ivyamumyasi pa chisu chosi. Akubamanyisya ubwanaloli nu kubabunganika poka.—Belenga Yohani 6.45.

3. Nkimba abantu bo baghanite ubwanaloli babombe choni?

U Yehova akubapasikizya abantu bo baghanite ubwanaloli sona nu bwiza. Akubalaba ukuti bafumemo mu vipanga ivyabumyasi. Abantu bo bamughanite u Chala bakwitikizya ukusinta ukuti bamuhobosye.—Belenga Ubuvumbuli 18.4.

Kale, abantu bakati bivwa amazyu amiza ukufuma ku batumiwa, bakahoboka. U Yehova akabamanyisya mo bangikalila akiza. Bakaba bakuhoboka pakubomba ubwighane ubwa Chala sona bakaba nu lusubilo. Cho tukumanyilako ku bantu aba chakuti, bakati bapokela amazyu amiza, u Yehova yo akanda ukuba wakulondiwa nkani kukwabo.—Belenga 1 Aba Tesalonika 1.8, 9; 2.13.

Bo bafumako ku vipanga ivyabumyasi, u Yehova akubapokelela ukuti bamwiputaye poka na bantu bache. Nanti mwitikizya ukwiza kwa Yehova, inti mube pabukamu nu Chala, mukwiza ukwiputila poka na bantu ba Yehova, sona mukwiza pakwikala bwila na bwila.—Belenga Maliko 10.29, 30; 2 Aba Kolinti 6.17, 18.

4. U Chala akwiza pakubomba buli-buli ukuti ichisu chosi chibe chakuhobosya?

Chakuhobosya ukuti ichipanga ichabumyasi chikwiza ukulongiwa. Chitakwiza ukulyela sona abantu amasuku pamutu. Chitakwiza ukwandizya sona pakubapusika abantu sona nukubagabannya. Aliwesi akwiza ukumwiputa u Chala weka uwabwanaloli.—Belenga Ubuvumbuli 18.20, 21; 21.3, 4.