Amabumyasi gho Ivipanga Ivyabumyasi Vikumutamantizya u Chala

Nanti u Chala lughano, choni cho ivipanga vyo vikunena ukuti vikumwiputa u Chala vikubomba ivintu ivibibi? Ichifukwa chakuti ivipanga ivi vyabumyasi, vikupangisya ukuti abantu basubilaghe amabumyasi gho bakumunenela u Chala. Ka mabumyasi buli gho ivipanga vikumunenela u Chala? Ka u Chala akwiyivwa buli-buli? Sona ka akwiza ukubomba ichoni ni vipanga ivi?

1. Nkimba bumyasi buli bo ivipanga ivyabumyasi vikumanyisya?

Ivipanga ivyabumyasi ‘vikusintanisya ubwanaloli ubwa Chala nu bumyasi.’ (Aba Loma 1.25) Umwakufwanikizya, ivipanga vitakubamanyisya abantu babo izina ilya Chala. Loli Ibayibolo likunena ukuti tubaghiye ukubombezya izina lya Chala. (Aba Loma 10.13, 14) Abaputi abamachalichi bakunena ukuti pala ichintu chimo ichibibi chabombiwa bakuti bwighane bwa Chala. Loli ubu bumyasi. U Chala atakubomba lumo ivintu vyo vibibi. (Belenga Yakobo 1.13) Ichachitima chakuti vyo ivipanga vikunena vyapangisya abantu ukuti baleke ukumughana u Chala.

2. Ka vyo ivipanga ivyabumyasi vikubomba vyanyazya buli-buli izina lya Chala?

Umwakupambana nu Yehova, ivipanga ivyabumyasi vikubabombela abantu ivibibi. Ibayibolo likunena ukuti ivipanga ivyabumyasi “imbibi zyache zyalundinkana pakufika kumwanya.” (Ubuvumbuli 18.5) Ukwa myaka iyinji ivipanga vikwingilila pa vyandyali, ivya nkondo sona vyapangisya ukuti abantu abinji baghoghiwe. Abaputi abamachalichi bamo bakulonda ukuti babe bakabi po bakubabuzya abantu babo ukuti babapanje indalama. Ivyakubombiwa ivi vikulangizya ukuti batamumenye u Chala, sona te babombi bache.—Belenga 1 Yohani 4.8.

3. Ka u Chala akuvyennya buli-buli ivipanga ivyabumyasi?

Pala mukukalala ni vintu ivibibi vyo ivipanga vikubomba, ka u Yehova akwiyivwa buli-buli? U Chala ababengite abaputi bo bakunyazya izina lyache sona nukubayivya abantu bo bakubakonka. Alayizizye ukuti akwiza pakuvinangannya ivipanga ivyabumyasi ‘vitakwiza pakubonekapo nalumo.’ (Ubuvumbuli 18.21) Lunulu pano, u Chala akwiza pakumazya ivipanga ivyabumyasi vyosi.—Ubuvumbuli 18.8.

MANYA IVYINJI

4. U Chala atakwitikizya ivipanga vyosi

Abantu abinji bakusubila ukuti ivipanga vili ngati zila izyakupambana-pambana zyo zikubuka kwa Chala. Ka ivi vyabwanaloli? Belenga Matayi 7.13, 14, nu kwamula ilalusyo ili:

• Nkimba Ibayibolo likunena choni pa nkani iya zila iyakubuka ku bumi?

IVIDIYO: Enelezya IVIDIYO, nu kunenezannya ilalusyo.

Ka u Yehova Akwitikizya Ukwiputa Ukwa Mutundu Ghulighosi?—Iyifupi (3:22)

• Nkimba Ibayibolo likunena ukuti pali ivipanga ivyinji vyo vikumuhobosya u Chala?

5. Ivipanga ivyabumyasi vitakulangizya ulughano lwa Chala

Ivipanga vyanyazya izina lya Chala mu zila izyinji. Izila iyibibi nkani yakuti bakwingilila pa nkondo. Ukuti mwennye vyo bakubomba, enelezya IVIDIYO, nu kwamula amalalusyo.

IVIDIYO: Vyo aba Machalichi Bakabomba pa Nkondo Iyabubili iya Pachisu Chosi (2:22)

• Nkimba aba machalichi Bakabomba choni pa Nkondo Iyabubili iya Pachisu Chosi?

• Ka umwe mukwiyivwa buli-buli na vyo aba machalichi aba bakabomba?

Belenga Yohani 13.34, 35; 17.16, nu kunenezannya amalalusyo agha:

• Ka mukwennya ukuti u Yehova akwiyivwa buli-buli nanti akwennya ukuti ivipanga vikwingilila pa nkondo?

• Ivipanga ivyabumyasi vyovyo vikupangisya ivintu ivibibi. Nkimba zila buli zyo zikulangizya ukuti ivipanga vyapotwa ukumuyezya u Chala pa nkani iya lughano?

6. U Chala akulonda ukuti abantu bafumemo mu vipanga ivyabumyasi

Belenga Ubuvumbuli 18.4,a sona nu kwamula amalalusyo agha:

• Nkimba mukwiyivwa buli-buli pakumanya ukuti u Chala akulonda ukubavwa abantu bo bakunyaziwa ni vipanga ivyabumyasi?

7. Mubukilile ukumanyila ivya Chala uwa bwanaloli

Ka vyo ivipanga ivyabumyasi vikunena nu kubomba vikubapangisya ukuti mumwennyanje buli-buli u Chala? Mwinong’onele umwana umunyamata yo akana ukwivwila ubulongozi ubwamahala bo ubaba wache amupa nu kufumapo panyumba pisinda pache abomba ivintu ivibibi. Loli ubaba te we yo apangisya ukuti umwana wache abombe ivi. Choni cho chitangaba chiza ukumupa inongwa ubaba ichifukwa cha ntamyo zyo umwana wache akukomana nazyo?

• Ka mukwennya ukuti chingaba chiza ukumupa inongwa u Chala sona nu kuleka ukumanyila ichifukwa cha vyo ivipanga vyabumyasi vikubomba?

IFUNDO IZYAKUDUMULA

Ivipanga ivyabumyasi vyanyazya izina ilya Chala ni vimanyisyo ivyabumyasi sona nivyakubombiwa ivibibi. U Chala akwiza pakunangannya ivipanga ivyabumyasi.

Ukunyokelamo

• Ka mukwiyivwa buli-buli na vyo ivipanga ivyabumyasi vikumanyisya sona na mo vikubombela ivintu?

• Nkimba u Yehova akuvyennya buli-buli ivipanga ivyabumyasi?

• Nkimba u Chala akwiza ukubomba choni ni vipanga ivyabumyasi?

IFUNDO IZYAKONGELEZYAPO

Manyila ivintu vibili vyo vikupangisya ukuti u Chala akalalaghe ni vipanga.

“Ka Ivipanga Vyosi Vikuyana Bulo? Ka Vyosi Vikubalongozezya kwa Chala?” (Inkani iya pa intaneti)

Choni cho u Yehova akulonda ukuti tumwiputaghe poka na bamwitu?

“Chakulondiwa Ukuba mu Chipanga Ichabwanaloli?” (Inkani iya pa intaneti)

Abantu aba mu chipanga bakamutamyanga umuputi. Loli ivi vitakamupangisya ukuti aleke ukumanyila ubwanaloli bwa Chala.

“Chifukwa Icho Wasembe Wakalekera Tchalitchi Lake” (Wukani!, Febuwale 2015)

Imyaka amahandiledi aghinji amachalichi ghakunena amabumyasi gho ghakupangisya abantu ukusubila ukuti u Chala atakubapasikizya sona weyo akupangisya intamyo. Manya ubwanaloli ukwakukwafyannya na mabumyasi ghatatu agha.

“Mautesi Agho Ghakutondeska Ŵanthu Kutemwa Ciuta” (Ichitembe cha Mulindilili icha Chitumbuka, Novembala 1, 2013)