ICHIMANYILO 1

Amazyu Aghabwandilo Aghakuhobosya

Isimbo lyo likulangizya ifundo iya mu Bayibolo

Imbombo 17.22

IFUNDO INKULU: Amazyu ghinyu aghabwandilo ghabaghiye ukubavwa abantu ukuti babe ni chinyonywa, ghalangizye umutu uwa nkani yinyu sona ghalangizye ukulondiwa ukwa nkani yinyu.

MO MUNGABOMBELA:

Mubavwe ukuti babe ni chinyonywa. Mungasala ilalusyo, amazyu ghamo, ivyakubombiwa pamo inkani yimo yo yingabahobosya abantu.

Inong’onela ivintu vyo abantu bangahoboka navyo ni vintu vyo bakupasya navyo nu kuvitambula mumazyu ghinyu aghabwandilo.
Mulangizye umutu uwa nkani. Mwenelezye ukuti amazyu ghinyu aghabwandilo ghakulangizya umutu uwa nkani yinyu sona mo abantu bangapindulila nayo.
Mulangizye ukulondiwa ukwa nkani yinyu. Ivintu vyo mukunena, vibaghiye ukukolelana na vyo abantu bakulondiwa. Mubavwe ukuti bivwisye mo inkani yinyu yingamutulila aliwesi paweka.

Nanti mukwisengannya inkani, mwilalusye ukuti, ‘Nkimba ntamyo buli zyo abakamu na bayemba bakukomana nazyo muchipanga chitu?’ Pisinda pache, amazyu ghinyu aghabwandilo ghakolelane na vyo bakulondiwa.