ICHIMANYILO 13

Mulangizyange Ukulondiwa Ukwa Nkani Yinyu

Isimbo lyo likulangizya fundo iya mu Bayibolo

Isya Mbupingamu 3.21

IFUNDO INKULU: Mubavwe abantu ukumanya mo inkani yinyu yingabatulila pa bumi bwabo sona mo bangabombela ukuti babombezye imbombo ifundo zyo bamanyila.

MO MUNGABOMBELA:

Mubinong’onelaghe abantu. Mwinong’onele ichifukwa cho abantu bakulondiwa ukwivwisya ubutenga bo buli munkani yinyu, nu kwinong’onela ivintu vyo vingabavwa.
Munkani yinyu yosi mubalangizye abantu vyo bangabomba. Uwakwivwisya iyivwange ukuti inkani iyi yikunavwa une ukwandila bulo pabwandilo ubwa nkani yinyu. Nanti mukulongosola ifundo inkulu yiliyosi mulangizye mo bangayibombezezya imbombo. Mutakanenaghe ivintu vyosi pakabalilo koka loli mulongosolaghe chilichosi pacheka.

Munenezyannyange nabo ifundo izya mu Bayibolo umwalughano sona umwakulangizya ukuti mukwivwisya mo bakuyivwila. Mutakanenaghe ivintu vyo vingapangisya ukuti abantu biyipange umulandu, mu malo mwache mubavwe ukuti baghomye ulwitiko lwabo mwa Yehova.