Munenaghe Umwakubafika pa Moyo

Isya Mbupingamu 3.1

IFUNDO INKULU: Mubavwe abantu ukuti bivwisye nu kwennya mo bangabombezezya imbombo ifundo zyo bamanyila.

MO MUNGABOMBELA:

• Mubavwe abantu ukuti binong’onelaghepo. Mulalusyange amalalusyo gho ghangapangisya ukuti abantu bifufuze bene.

• Mubakazye ukuti babombaghe ivintu ivyiza. Mubakazyanje abantu ukumanya ichifukwa cho bakulondiwa ukubomba ivintu ivyiza. Mubavwe ukuti babanje ni vifukwa ivyiza ivya kumughanila u Yehova, abantu sona vyo Ibayibolo likumanyisya. Pala mukunena inkani yinyu, mubavwe abantu ukwennya ukulondiwa ukwa fundo izya mu Bayibolo mumalo mwakubabuzya ivyakubomba. Mumalo mwakubakozya isoni pamo ukubanyoza, mubakazye ukuti babombepo zimo pa vyo bamanyila.

• Mubavwe ukuti bamusubilaghe u Yehova. Mulangizye mo ifundo izya mu Bayibolo, vyo likumanyisya sona ni ndaghilo zyache vikulangizizya inkalo nu lughano lo u Chala akutulangizya. Mubavwe abantu ukuti bamanye mo u Yehova akubombela ivintu sona vyo bangabomba ukuti bamuhobosye.