ICHIMANYILO 18

Inkani Yinyu Yibavwe Abantu Ukuti Bamanyilepo

1 Aba Kolinti 9.19-23

IFUNDO INKULU: Mubavwe abantu ukuti binong’onelepo inkani yo mukunena nu kwennya vyo bangamanyilapo.

Mumanye ivintu vyo abantu bavimenye kale. Mumalo mwakupyanizya bulo ivintu vyo abantu bavimenye kale, mubavwe ukuti binong’onele ivintu ivyo muzila impya.

Ifundo zyo bazimenye kale mungazinena mwalubilo-lubilo, loli nanti mukulongosola ifundo ipya, munenaghe umwapanandi-panandi.
Mufufuze nu kwinog’onelapo. Nanti mungakwanisya, mubombezye ivintu vyo abantu batavimenye nkani pamo inkani zyo zyabombiwa mwalunulu pakulongosola ifundo izikulu. Mwinong’onelepo mo ifundo yiliyosi yo mukulonda ukunena yikukolelana ni nkani yinyu yosi.

Pa kabalilo ko mukwisengannya inkani yinyu, mwilalusye amalalusyo ngati agha ‘nkimba naya pakunena ichoni, chifukwa buli, vikabombiwa kabalilo buli, vikabombiwa kwighi, ku bawenu, sona vikabombiwa buli-buli.’ Ukuti inkani yinyu yibe yakuhobosya, mwenelezye ukuti mukulalusya nu kwamula amalalusyo agha.
Mulangizye ukulondiwa ukwa butenga bo buli mu nkani yinyu. Mulongosole mo ifundo izya mu Masimbo zingabatulila abantu pa bumi bwabo. Munene ivintu ivyakulondiwa vyo vingabavwa abantu, ngati vyo vikubombiwa, mo abantu bakwennyezya ivintu sona mo bakubombela.