UMUTU 05
Ibayibolo Mazyu Aghakufuma wa Chala
U Yehova atupile Ibayibolo. Ichi chabupi ichapamwanya nkani cho muli amabuku 66. Loli mungaswigha ukuti: ‘Ka Ibayibolo likafuma kwi? Ka umwenecho wewenu?’ Ukuti twaghe amaansala agha amalalusyo agha, za tunenezannye cho chikabombiwa ukuti amazyu gha Chala ghaghiwe mu Bayibolo.
1. Nanti abantu bobo bakasimba Ibayibolo, choni cho tukunena ukuti Umwenecho we Chala?
Ibayibolo likasimbiwa na bantu abakupambana-pambana abakukwana 40. Likasimbiwa imyaka iyakukwana 1,600 ukufuma mu 1513 B.C.E. mpaka mu 98 C.E. Bo bakasimba Ibayibolo bakakulila kumalo aghakupambana-pambana. Abasimbi ba Bayibolo bakaba bakupambana, umwakufwanikizya, bamo bakaba bakabi, po bamo bakaba bapina, bamo bakaba bakumanyila nkani po bamo batakaba bakumanyila nkani. loli vyo bakasimba vikaba vyakukolelana. Ka ivi vikabombiwa buli-buli? Vikabombiwa ichifukwa chakuti Ibayibolo mazyu aghakufuma kwa Chala. (Belenga 1 Aba Tesalonika 2.13.) Abasimbi batakasimba inyinong’ono zyabo. “Loli bakalaghula ukwendela mwa muzimu umuzelu amazyu agha Chala.”a (2 Pitala 1.21) U Chala akabombezya umuzimu wache umuzelu pakubavwa abanavuli bo bakasimbagha ukuti basimbe inyinong’ono zyache.—2 Timoti 3.16.
2. Ka bo bawenu bo bangapindula ni Bayibolo?
“Abantu abaluko losi na bantu abavikolo vyosi na bantu abaneno zyosi,” bosi bangapindula nagho amazyu amiza aghakufuma mu Bayibolo. (Belenga Ubuvumbuli 14.6.) U Chala akanena ukuti abantu abaluko losi, ni vikolo vyosi sona na baneno zyosi bakwiza pakupindula na mazyu agha mu Bayibolo. Ibayibolo likwayiwa mu vinenelo ivyinji ukuchila ibuku lililyosi. Amasiku ghano aliwesi ali nu lusako ulwakubelenga nu kwivwisya amazyu agha mu Bayibolo kulikosi ko angaba.
3. Ka Ibayibolo lyapona kuchoni, sona ka u Yehova alifighilila buli-buli?
Ibayibolo likasimbiwa pavintu vyo vitakakabagha ukukomanika ngati ivikwela sona na pavintu ivyamwabo. Nanti patakabanga abakuti balikopele Ibayibolo, nge nalimo. Loli abantu bo bakalighana Ibayibolo bakalikopelagha pakubombezya inyobe. Napo abantu bamo bo bakaba na maudindo na basongo aba machalichi bakalwisyanga ukuti balizimye Ibayibolo, loli bamo bakabika umoyo wabo pa ngozi ukuti balipulumusye. Nayumo-yumo umuntu pamo ichintu cho chingamupotesya u Yehova ukuti tube nawe pa bumanyani. Ibayibolo likuti: ‘Amazyu gha Chala witu ghakwiza ukubako bwila na bwila.’—Yesaya 40.8.
MANYA IVYINJI
Manya mo u Chala akabavwizya abantu ukuti basimbe Ibayibolo, na mo lyaponela ku bantu bo bakalondagha ukuti balizimizye na mo abombela ukuti lyaghiwe ku bantu abinji.
4. Ibayibolo likumuvumbula umwenecho
Enelezya IVIDIYO. Nu kubelenga 2 Timoti 3.16, nu kwamula amalalusyo.
Nanti abantu bobo bakasimba Ibayibolo, choni cho likwitiziwa ukuti Mazyu gha Chala?
Choni cho mukusubila ukuti u Yehova akabika inyinong’ono zyache mu bantu bo bakasimba Ibayibolo?
Ubwana angamubuzya usekelitale wache ukuti amusimbile ukalata, loli amazyu gho ghali mukalata ghakufuma kwa bwana. Umwakuyana bulo abantu bobo bakasimba Ibayibolo, loli amazyu gho ghali mu Bayibolo ghakafuma kwa Chala.
5. Ibayibolo lyapona ku vintu ivyinji
Pakuti Ibayibolo lyakufuma kwa Chala, tukuba nu lusubilo losi ukuti abaghiye ukulifighilila. Ukufuma bulo kale, imbili yikulangizya ukuti abantu bayezya-yezya ukuti balipyute Ibayibolo sona Abasongo aba machalichi bayezya-yezya ukuti balifise. Abantu bakabika umoyo wabo pa ngozi ukuti balifighilile Ibayibolo na po abakususya bakaboghofyanga nu kulonda ukubaghogha. Ukuti mumanye izya muntu weka yo akabika ubumi bwache pa ngozi, enelezya IVIDIYO, nu kwamula amalalusyo agha.
Pakuti mwamanya ukuti abantu bamo bakabika ubumi bwabo pa ngozi ukuti balifighilile Ibayibolo, ka ivi vitakubapangisya ukuti mubelengaghe Ibayibolo? Chifukwa buli?
Belenga Salimo 119.97, nu kwamula ilalusyo ili:
Choni cho chikapangisya abantu ukuti babike ubumi bwabo pa ngozi ukuti bang’anamulile nu kugaba Amabayibolo?
6. Ili libuku ilya bantu bosi
Imbili yikulangizya ukuti Ibayibolo lyolyo ling’anamuliwe nu kugabiwa ku bantu abinji pa chisu chosi. Belenga Imbombo 10.34, 35, nu kwamula amalalusyo agha:
Choni cho u Chala akulonda ukuti Amazyu ghache ghang’anamuliwe sona ghagabiwe pachisu chosi?
Choni cho chikubahobosya nkani pa nkani ya Bayibolo?
Papipi
100%
iya bwinji ubwa bantu pachisu chosi
bangagha Ibayibolo mu chinenelo cho bakwivwa
Likwaghiwa mu vinenelo
3,000
pamo ukupululila
Ibayibolo lyosi pamo ichigaba chimo icha Bayibolo
5 biliyoni
Ubwinji bwa Mabayibolo gho ghapulintiwe,
ukupota ibuku lililyosi
VYO BAMO BAKUNENA: “Ibayibolo libuku ilyakale lyo likasimbiwa na bantu.”
Ka umwe mukuti choni?
Ka choni cho chikulangizya ukuti Ibayibolo Mazyu gha Chala?
IFUNDO IZYAKUDUMULA
Ibayibolo Mazyu gha Chala, sona apangisya ukuti lyaghiwanje na bantu abinji.
Ukunyokelamo
Nkimba ifundo iyakuti u Chala akabombezya abantu ukuti basimbe Ibayibolo yikung’anamula choni?
Choni cho chabahobosya ichifukwa chakuti Ibayibolo lyapona, lyang’anamuliwa nu kugabiwa mu vinenelo ivyinji?
Ka ukumanya ifundo iyakuti u Chala akulonda ukuti munenezannyanje nawe yikubavwa buli-buli?
IFUNDO IZYAKONGELEZYAPO
Belenga imbili iya mo Ibayibolo likasimbiliwa ukufuma kale mpaka akabalilo aka.
Manya mo Ibayibolo lyaponela ku vintu vitatu vyo nge vikapangisya ukuti litakabeko.
“Baibolo Lapona ku Vinandi” (Ichitembe cha Mulindilili icha Chitumbuka Na. 4 2016)
Ennya intamyo zyo abakung’anamulila Ibayibolo bakakomana nazyo.
Ibayibolo lyakopeliwa nu kung’anamuliwa umwakunyokezya-nyokezya. Ka mungasubila buli-buli ukuti amazyu gho ghali mu Bayibolo ghabwanaloli?