Choni cho Tukutamiwa?

Pala ivintu ivyakuchitisya ichitima vyabombiwa, tughanite ukwilalusya ukuti “Choni cho ivintu ivi vyabombiwa?” Ichakuhobosya chakuti Ibayibolo likwamula uansala uwilalusyo ili!

1. Nkimba u Satana akapangisya buli-buli ukuti ivintu ivibibi vibombiwanje pachisu?

U Satana akamusambukila u Chala. Akalondagha ukuti weyo abalaghilaghe abantu cho chifukwa akapangisya abantu ababwandilo u Adamu nu Eva ukuti bakolelane nawe pakumusambukila u Chala. U Satana akabomba bunubu pakumubuzya u Eva ubumyasi. (Ubwandilo 3.1-5) Akapangisya ukuti u Eva inong’onaghe ukuti u Chala akubima ivintu vimo ivyizya. Akanena ukuti abantu bangaba bakuhoboka waghe bangaleka ukumwivwila u Chala. U Satana akanena ubumyasi ubwabwandilo umwakumubuzya u Eva ukuti atakwiza pakufwa. Cho chifukwa Ibayibolo likunena ukuti u Satana ‘mumyasi sona we mwenecho uwabumyasi bosi.’—Yohani 8.44.

2. Nkimba u Adamu nu Eva bakasala ukubomba ichoni?

U Yehova akamupa u Adamu nu Eva chilichosi ichakulondiwa pa bumi. Akababuzya ukuti balyanje ivipaso ivya mumakwi ghosi agha mumughunda uwa Edeni ukufumyapo ikwi lyoka. (Ubwandilo 2.15-17) Loli bakasala ukulya ichikomwa cho bakabakanila. U Eva ‘akasenda ichikomwa nu kulya.’ Pisinda, u Adamu ‘wepe akalya.’ (Ubwandilo 3.6) Bosi babili batakamwivwila u Chala. Ichifukwa chakuti u Adamu nu Eva bakaba bakufikapo, chitakaba chakutamya ukuti babombe cho chiza. Ichifukwa chakuti abene bakasala ukuleka ukumwivwila u Chala, bakananga sona bakakana ubulaghili bwache. Bakanda pakutamiwa ichifukwa cha vyo bakasala.—Ubwandilo 3.16-19.

3. Ka vyo u Adamu nu Eva bakasala vikutukwafya buli-buli?

Bo u Adamu nu Eva bananga, batakaba sona bakufikapo. Ukusita ukufikapo kwabo kukambukila ku bantu bosi. Pakunena ivya Adamu Ibayibolo likuti: ‘Imbibi yikiza muchisu ichapasi ukwendela mu muntu weka, sona nu bufwe ukwendela mu mbibi, momo bope ubufwe bukiza pa bantu bosi pakuti abantu bosi banangite.’—Aba Loma 5.12.

Tukutamiwa pa vifukwa ivyakupambana-pambana. Akabalilo kamo tukutamiwa ichifukwa ichakuti tutasalite akiza ivintu. Akabalilo kamo tukutamiwa ichifukwa chakuti abamwitu batasalite akiza ivintu. Sona tukutamiwa ichifukwa ichakuti tuli pamalo aghabibi sona pakabalilo akabibi.—Belenga Undumbilili 9.11.

MANYA IVYINJI

4. Ka wenu yo akupangisya ukuti tutamiwanje

Abantu abinji bakusubila ukuti u Chala weyo akulaghila ichisu. Ka ubu bwanaloli? Enelezya IVIDIYO.

IVIDIYO: Ka Wenu yo Akulaghila Ichisu Ichapasi? (1:24)

Belenga Yakobo 1.13 sona 1 Yohani 5.19, nu kwamula ilalusyo ili:

• Ka u Chala we yo akupangisya intamyo?

5. Ennya vyo vyabombiwa ichifukwa icha bulaghili bwa Satana

IVIDIYO: Choni cho u Chala Akwitikizya Intamyo?—Iyifupi (3:07)

Belenga Ubwandilo 3.1-6, nu kwamula amalalusyo agha:

• Nkimba u Satana akanena bumyasi buli?—Ennya ivesi 4 nu 5.

• Ka u Satana akanena choni ukulangizya ukuti u Yehova akubima abantu ivintu ivyiza?

• Ukuyana na vyo u Satana akanena, ka abantu bakulondiwa Ubulaghili bwa Yehova ukuti babe bakuhoboka?

Belenga Undumbilili 8.9, nu kwamula ilalusyo ili:

• Ichifukwa chakuti u Yehova te weyo akulaghila ichisu, ka twamyo buli zyo zyabapo?

1. U Adamu nu Eva bakaba bantu abakufikapo sona bakikalagha mu Paladayiso, loli bakamwivwila u Satana nu kumusambukila u Yehova

2. Bo bamusambukila u Chala, ichisu chikizula ni mbibi, ukutamiwa sona nimfwa

3. U Yehova akwiza ukumazya imbibi, ukutamiwa sona nimfwa. Abantu bakwiza ukuwa sona bakufikapo nu kwikala mu Paladayiso

6. U Yehova akutupasikizya nanti tukukomana ni ntamyo

Ka u Chala akwiyivya buli-buli nanti tukutamiwa? Ennya vyo Umwene u Devedi nu mutumiwa u Pitala bakasimba. Belenga Salimo 31.7 sona 1 Pitala 5.7, nu kwamula ilalusyo ili:

• Ka mukwiyivwa buli-buli pakumanya ukuti u Yehova akumanya intamyo zyo mukukomana nazyo sona akubapasikiza?

IFUNDO IZYAKUDUMULA

U Satana Umubibi poka nu Adamu nu Eva bobo bakapangisya ukuti ivintu ivibibi vibombiwanje pachisu. U Yehova akutupasikizya sona wepe vikumubaba nanti akwennya ukuti tukutamiwa sona lunulu inti afumyepo intamyo zyosi zyo tukukomana nazyo.

Ukunyokelamo

• Nkimba bumyasi buli bo u Satana Umubibi akamuzimbula u Eva?

• Ka ukusita ukwivwila ukwa Adamu nu Eva kukutukwafya buli-buli uswe?

• Nkimba tukumanya buli-buli ukuti u Yehova akutupasikizya waghe tukutamiwa?

IFUNDO IZYAKONGELEZYAPO

Manya vyo Ibayibolo likung’anamula waghe likunena ivya mbibi.

“Ka Imbibi cho Choni?” (Inkani iya pa intaneti)

Belenga ivyinji ivya kukwafyannya ni nkani yo u Satana akandisya mumughunda wa Edeni.

“Cifukwa Wuli Ciuta Wazomerezga Kuti Tisuzgikenge?” (Ichitembe cha Mulindilili icha Chitumbuka, Janiwale 1, 2014)

Ennya amaansala agha kukazya agha malalusyo aghakutamya.

“Choni cho Ichipani cha Nazi Chikaghogha Abayuda ku Germany? Choni cho u Chala Akitikizya Ukuti ivi Vibombiwe?” (Inkani iya pa intaneti)

Ennya vyo umwanavuli yumo akamanyila ivyakukwafyannya ni ntamyo zyo akakomana nazyo.

Nte Sona Nemwene (5:09)