ILAYIBULALE IYA PA INTANETI
Watchtower
ILAYIBULALE IYA PA INTANETI
Chilambya
  • IBAYIBOLO
  • AMABUKU
  • INKOMANO
  • lff umutu 31 ifundo 1-7
  • Nkimba Ubumwene wa Chala cho Choni?

Po mwasala patali ividiyo.

Pepani, pali inyamyo yimo pakwighula ividiyo.

  • Nkimba Ubumwene wa Chala cho Choni?
  • Mungahoboka nu Bumi kwa Bwila na Bwila!—Ukumanyila Ibayibolo Umwakunenezannya
  • Utumitu
  • Izyakuyanako
  • MANYA IVYINJI
  • IFUNDO IZYAKUDUMULA
  • IFUNDO IZYAKONGELEZYAPO
  • Nkimba Ubumwene Ubwa Chala Chochoni?
    Nkimba Ibayibolo Likutumanyisya Choni?
  • Nkimba Ubumwene bwa Chala Bukwiza Pakubomba Choni?
    Mungahoboka nu Bumi kwa Bwila na Bwila!—Ukumanyila Ibayibolo Umwakunenezannya
  • Nkimba Ubumwene Ubwa Chala cho Choni?
    Amazyu Amiza Aghakufuma kwa Chala!
Mungahoboka nu Bumi kwa Bwila na Bwila!—Ukumanyila Ibayibolo Umwakunenezannya
lff umutu 31 ifundo 1-7
Umutu 31. U Yesu Kilisitu we Mwene kumwanya mubulaghili bwa Yehova.

UMUTU 31

Nkimba Ubumwene bwa Chala cho Choni?

Viboneke Ngati mo Vibeleye Mubuku
Viboneke Ngati mo Vibeleye Mubuku
Viboneke Ngati mo Vibeleye Mubuku

Ubutenga bumo ubwakulondiwa nkani bo buli mu Bayibolo bwakukwafyannya nu Bumwene bwa Chala. U Yehova akwiza pakubombezya Ubumwene bwache bunubu ukuti akwanilisye ubwighane bwache pachisu. Ka Ubumwene bwa Chala cho choni? Ka tukumanya buli-buli ukuti bukulaghila pa kabalilo kano? Nkimba pa kabalilo aka bwakwanilisya ukubomba ichoni? Nkimba bukwiza pakubomba choni muntazi? Umutu ughu ni mitu yibili iyakukonkapo yikwiza pakwamula amalalusyo agha.

1. Nkimba Ubumwene bwa Chala cho choni sona Umwene wache we wenu?

Ubumwene bwa Chala liboma lya Yehova u Chala. Umwene wache u Yesu Kilisitu akulaghila kufuma kumwanya. (Matayi 4.17; Yohani 18.36) Ibayibolo likunena ukuti u Yesu ‘akwiza pakuba we Mwene bwila na bwila.’ (Luka 1.32, 33) Pakuba we Mwene mu Bumwene bwa Chala, u Yesu akwiza pakulaghila umuntu aliwesi pachisu ichapasi.

2. Ka bo bawenu bo bakwiza pakulaghila poka nu Yesu?

U Yesu atakwiza pakulaghila mwene. Abantu “abaluko losi na baneno zyosi sona ni imitundu yosi iya bantu . . . bakwiza pakulaghila ichisu ichapasi.” (Ubuvumbuli 5.9, 10) Ka bantu balinga bo bakwiza pakulaghila poka nu Kilisitu? Ukufuma bulo po u Yesu akizila pachisu ichapasi, Abakilisitu amamiliyoni aghinji baba bamanyili bache. Nkimba abamanyili bosi bakwiza pakulaghila poka nu Yesu? Awe. Abantu abakukwana 144,000 bo bakubuka kumwanya bobo bakwiza pakulaghila nu Yesu. (Belenga Ubuvumbuli 14.1-4.) Abakilisitu abamwabo bosi bakwiza pakwikala pachisu nu kuba benekaya aba Bumwene bwa Chala.—Salimo 37.29.

3. Choni cho Ubumwene bwa Chala bwiza ukuchila amabumwene gha bantu?

Napo abalaghili ba bantu bakuyezya ukuti babombe ivintu ivyiza, loli bate na maka aghakuti babombele ivintu vyo bakulonda. Bakubikapo abamwabo bo batakulonda ukubomba vyo abantu bakulonda loli bakubomba vyo abene bakulonda. Loli u Yesu yo Mulaghili mu Bumwene bwa Chala atakwiza pakwepusiwapo nu muntu nayumo. U Chala ‘imikite ubumwene bo butakwiza pakwepusiwapo nalumo.’ (Danieli 2.44) U Yesu akwiza pakulaghila ichisu chosi ichapasi sona atakwiza pakuba wakusalila muchimanyani. U Yesu walughano, wachisa, wa bwanaloli sona akwiza pakumanyisya abantu ukuti bope babombelanaghe bunubu umwakulangizannya ulughano, ichisa nu bwanaloli.—Belenga Yesaya 11.9.

MANYA IVYINJI

Manya ichifukwa cho tukunena ukuti Ubumwene bwa Chala bwiza nkani ukupota amabumwene gha bantu.

U Yesu Kilisitu ali pachitengo kumwanya sona akulaghila ichisu chosi ichapasi. Bo akulaghila nabo bikaye kwisinda kwache. U Yehova akuboneka ngati lizuba kwisinda kwabo.

4. Iboma ilya maka likwiza pakulaghila ichisu chosi ichapasi

U Yesu Kilisitu ali na maka nkani aghakulaghila ukupota umuntu aliwesi. Belenga Matayi 28.18, nu kwamula ilalusyo ili:

  • Choni cho ubulaghili bwa Yesu bwapamwanya nkani ukuchila ubulaghili bwa bantu bosi?

Amaboma gha bantu ghakusinta akabalilo kosi sona umulaghili aliwesi akulaghila bulo ichigaba chimo icha chisu. Ka vili buli-buli nu Bumwene bwa Chala? Belenga Danieli 7.14, nu kwamula amalalusyo agha:

  • Choni cho chakuhobosya ukumanya ukuti Ubumwene bwa Chala ‘butakwiza pakumalapo lumo’?

  • Choni cho chakuhobosya ukumanya ukuti bukwiza pakulaghila ichisu chosi ichapasi?

5. Ubulaghili bwa bantu bukulondiwa ukubufumyapo

Choni cho Ubumwene bwa Chala bukulondiwa ukupyana amaboma ghosi agha bantu? Enelezya IVIDIYO, nu kwamula ilalusyo.

IVIDIYO: Nkimba Ubumwene Bwa Chala cho Choni?—Iyifupi (1:41)

  • Choni cho chabombiwa pachisu ichifukwa icha mabumwene agha bantu?

Belenga Undumbilili 8.9, nu kwamula amalalusyo agha:

  • Nkimba chalokulondiwa ukuti Ubumwene bwa Chala bupyane amaboma gha bantu? Chifukwa buli?

6. Ubumwene bwa Chala buli na balaghili bo bakutwivwisya

Umwene witu u Yesu akabapo ngati muntu, “akumanya vyo tukupuvya.” (Aba Hebeli 4.15) Sona u Yehova asalite abanavuli na bakolo abakukwana 144,000 ukufuma mu ‘maluko ghosi, ineno zyosi sona na maluko ghosi agha bantu’ ukuti bize balaghile poka nu Yesu.—Ubuvumbuli 5.9.

  • Ka te chakuhobosya pakumanya ukuti u Yesu na bo akwiza pakulaghila nabo bakumanya mo abantu bakwikalila? Chifukwa choni?

Abakolo na banavuli abakupakaziwa aba kufuma mu maluko aghakupambana-pambana.

U Yehova asalite abanavuli na bakolo abakupambana-pambana ukuti bize balaghile poka nu Yesu

7. Ubumwene bwa Chala buli ni ndaghilo inyiza ukuchila amaboma ghosi agha bantu

Amaboma ghakupanga indaghilo zyo bakwinong’ona ukuti zingapindulila nu kufighilila abantu babo. Ubumwene bwa Chala bope buli ni ndaghilo zyo abantu bakulondiwa ukukonka. Belenga 1 Aba Kolinti 6.9-11, nu kwamula amalalusyo agha:

  • Ka mukwinong’ona ukuti ichisu chikwiza pakuba buli-buli waghe umuntu aliwesi akukonka indaghilo zya Chala?a

  • Choni cho mukwinong’ona ukuti chakwivwika kwa Yehova ukulindilila ukuti abantu bo bakwiza pakwikala mu Bumwene bwache bachindikaghe indaghilo zyache?

  • Choni cho chikulangizya ukuti abantu bo batakwivwila indaghilo zyache bangasinta?—Ennya vesi 11.

Umupolisi akwimika igalimoto po izila zilekanite. Abantu abankulilo zyakupambana bakupulunsannya pamusebo.

Amaboma ghapangite indaghilo ukuti zibafighilile nu kubapindulila abantu babo. Ubulaghili bwa Chala buli ni ndaghilo inyiza zyo zikubafighilila nu kubatula abantu bache

VYO BAMO BANGALALUSYA: “Nkimba Ubumwene bwa Chala cho choni?”

  • Nkimba mungamula buli-buli?

IFUNDO IZYAKUDUMULA

Ubumwene bwa Chala liboma ilyenecho lyo lili kumwanya sona likwiza pakulaghila ichisu chosi ichapasi.

Ukunyokelamo

  • Nkimba bo bawenu bo bakwiza pakulaghila mu Bumwene bwa Chala?

  • Choni cho Ubumwene bwa Chala bwiza nkani ukuchila amabumwene gha bantu?

  • Nkimba u Yehova akulindilila ukuti abantu bo bakwiza pakwikala mu Bumwene bwache babombaghe choni?

Ivyakuti mubombe

IFUNDO IZYAKONGELEZYAPO

Ennya vyo u Yesu akamanyisya ivyakukwafyannya na ko Ubumwene bukwaghiwa.

“Ka Ubumwene bwa Chala Buli Mumoyo Winyu?” (Inkani iya pa intaneti)

Choni cho Abakaboni ba Yehova bakusala ukuba basubaliwa nkani ku Bumwene bwa Chala ukuchila ukuba basubaliwa ku bumwene bwa bantu?

Ukwiyipa ku Bumwene bwa Chala 1:43

Ennya vyo Ibayibolo likunena ivyakukwafyannya na ba 144,000 bo u Yehova abasalite ukuti bize balaghile poka nu Yesu.

“Ka bo Bawenu bo Bakubuka Kumwanya?” (Inkani iya pa intaneti)

Choni cho chikamulimbikisya umukolo yumo yo akaba mujele ukusubila ukuti we Chala mwene yo angapangisya ukuti ichisu chibe chiza?

“Nkhamanya Chifukwa Icho pa Charu Pakuchitikira Vinthu Vyambura Urunji” (Wukani!, Novembala 2011)

a Indaghilo zimo tukwiza pakumanyila mu Chigaba 3.

    Amabuku gha mu Lambya (2012-2025)
    Fuma
    Ingila
    • Chilambya
    • Tuma
    • Vyo Mukulonda
    • Copyright © 2025 Watch Tower Bible and Tract Society of Pennsylvania
    • Indaghilo
    • Ukusunga Ichisisi
    • Privacy Settings
    • JW.ORG
    • Ingila
    Tuma