UMUTU 30
Abamanyani Binyu bo Bakafwa Bangaba Sona nu Bumi!
Imfwa yikupangisya ukuti tube swe bachitima. Cho chifukwa Ibayibolo likwitizya imfwa ukuti mulwani. (1 Aba Kolinti 15.26) Mu Mutu 27, mukamanyila ukuti u Yehova akwiza pakumunanga umulwani uyu. Loli nkimba choni cho chikwiza pakubombiwa ku bantu bo bakafwa kale? Mu mutu ughu inti mumanyile sona ilayizyo ilyamwabo ilyakuti u Yehova akwiza pakuzusya abantu amabiliyoni aghinji ukuti bize bahoboke sona nu bumi kwa bwila na bwila. Ka ivi vingize vibombiwe naloli? Nkimba pala bazyuka bakwiza pakwikala kumwanya pamo pachisu ichapasi?
1. Nkimba u Yehova akwiza pakubabombela ichoni abamanyani bitu bo bafuye?
U Yehova akulonda ukuzusya abantu bo bafuye ukuti babe sona nu bumi. Umwanavuli yo akaba nu lwitiko u Yobu, akasubilagha ukuti u Chala atakwiza pakumuluvya pala afwa. Akanena kwa Chala ukuti: ‘Mukwiza pakwitizya, une nkwiza pakwamula ukufuma mwipumpa.’—Belenga Jobu 14.13-15.
2. Nkimba tukumanya buli-buli ukuti abafwe bangazyuka?
Po u Yesu akaba pachisu ichapasi u Chala akamupa amaka aghakuzusya abafwe. U Yesu akazusya umwana umulindu uwa myaka 12 nu mwana umunyamata uwa mama umufwilwe. (Maliko 5.41, 42; Luka 7.12-15) U Lazalo umumanyani wa Yesu wepe akiza afwa. Napo u Lazalo akaba mwipumpa amasiku 4 loli u Yesu akiza amuzusya. U Yesu akiputa kwa Chala nu kunena ukuti: “Lazalo epamo!” po “umuyazi yula akepamo.” U Lazalo akaba sona nu bumi! (Yohani 11.43, 44) Inong’onela ulusekelo lo abamanyani ba Lazalo sona abamumbumba yache bakaba nalo!
3. Nkimba tuli nu lusubilo buli pa nkani iya bakamu bitu bo bafuye?
Ibayibolo likutulayizya ukuti: “Bakwiza pakuzyuka ku bufwe.” (Imbombo 24.15) Abantu bo u Yesu akabazusya kale batakabuka kumwanya. (Yohani 3.13) Bakaba bakuhoboka pakwikala sona nu bumi pachisu ichapasi ichi. Umwakuyana bulo, u Yesu inti akazusye sona abantu amabiliyoni aghinji ukuti bize bahoboke sona nu bumi mupaladayiso pachisu ichapasi. Akanena ukuti ‘abantu bo u Chala akubakumbuka bakwiza pakuzyuka’ sona na bantu bo uswe tutangabakumbukila loli u Chala akwiza pakubazusya nukuba sona nu bumi.—Yohani 5.28, 29.
MANYA IVYINJI
Ennya ubukaboni ubwa kufuma mu Bayibolo bo bukulangizya ukuti abafwe bakwiza pakuzyuka. Manya mo inkani iyakuzyuka yingabasangalusizya sona nukubapa ulusubilo.
4. U Yesu akasimikizya ukuti angazusya abafwe.
Manya ivyinji ivyakukwafyannya na vyo u Yesu akamubombela umumanyani wache u Lazalo. Belenga Yohani 11.14, 38-44, nu kwamula amalalusyo agha:
Nkimba tukumanya buli-buli ukuti u Lazalo akafwa naloli?—Ennya ivesi 39.
Ka pala u Lazalo akabuka kumwanya, ka mukwinong’ona ukuti nge u Yesu akamuzyusya kumwanya nu kumubika sona pachisu chapasi?
5. Abantu abinji bakwiza pakuzyuka!
Belenga Salimo 37.29, nu kwamula ilalalusyo ili:
Ka abantu amabiliyoni aghinji bo bakwiza pakuzyusiwa bakwiza pakwikala kwighi?
U Yesu akwiza pakuzusya abantu abinji ukongannyapo na bo batakamwiputagha u Yehova. Belenga Imbombo 24.15, nu kwamula ilalusyo ili:
Nkimba pa kabalilo akakuzyusya abafwe mukulonda mwize mumwennye uwenu?
Manya ukuti u Yesu angazusya abafwe ngati mo u baba angamunyamusizya umwana wache yo ali mutulo
6. Ukuzyuka ukwa bafwe kungabasangalusya nu kubapa ulusubilo
Inkani iya mu Bayibolo iya mwana wa Yayili yikubasangalusya nu kubakazya abantu bo bakulila. Belenga Luka 8.40-42, 49-56.
Bo u Yesu achili pakumuzusya umwana wa Yayili akamubuzya ukuti: “Utakanyilaghe, subila bulo.” (Ennya vesi 50.) Ka ilayizyo ilyakuti abafwe bakwiza pakuzyuka likubavwa buli-buli . . .
pala umukamu winyu afwa?
pala ubumi bwinyu buli pangozi?
Enelezya IVIDIYO, nu kwamula ilalusyo.
Ka ulusubilo ulwa kuzyuka lukabasangalusya nu kubakazya buli-buli abapapi ba Phelicity
VYO BAMO BAKUNENA: “Chakutamya ukusubila ukuti abafwe bangize babe sona nu bumi.”
Nkimba umwe mu kwinong’ona buli-buli?
Nkimba lisimbo buli lyo mungamubelengela umuntu ukuti mumulangizye ukuti kukwiza pakuba ukuzyuka?
IFUNDO IZYAKUDUMULA
Ibayibolo likulayizya ukuti abantu amabiliyoni aghinji bo bakafwa bakwiza pakuzyuka. U Yehova akulonda ukuti bize babe sona nu bumi sona amupiye u Yesu amaka ukuti ize abazyusye.
Ukunyokelamo
Ka u Yehova nu Yesu bakuyennya buli-buli inkani iyakuzyusya abafwe?
Ka abantu amabiliyoni bo bakwiza pakuzyusiwa bakwiza pakwikala kumwanya pamo pachisu ichapasi? Choni cho mukunena bunubu?
Choni cho chikubahobosya pakumanya ukuti mukwiza pakubennya sona abakamu binyu bo bakafwa?
IFUNDO IZYAKONGELEZYAPO
Manya vyo mungabomba ukuti mujimbe waghe muli ni chitima.
Ka ifundo zya mu Bayibolo zingamwavwa naloli umuntu yo ali ni chitima?
Ka abana bangabomba buli-buli ukuti bajimbe nanti umuntu yo bamughanite afwa?
Ka aliwesi akwiza pakuzyukila kumwanya? Ka bo bawenu bo batakwiza pakuzyuka?
“Ka Amazyu Aghakuti Ukuzyuka ku Bufwe Ghakung’anamula choni?” (Inkani iya pa intaneti)