Mubinong’onelaghe Abantu

Vyo u Yesu Akabomba

IVIDIYO: U Yesu nu Mukolo Pachiziba

1. Enelezya IVIDIYO, pamo belenga Yohani 4.6-9. Pabumalilo mwamule amalalusyo agha:

1. Ka u Yesu akennya ukuti umukolo uyu akabombagha ichoni cho chikamwavwa ukuti ande pakunenezannya nawe?

2. U Yesu akamubuzya akati: “Umpeko amizi aghakung’wela.” Choni cho iyi yikaba zila inyiza iyakwandisya ukunenezannya?

Nkimba Tukumanyilako Ichoni kwa Yesu?

2. Chingaba chipepe ukunenezannya nu muntu pala tungandisya inkani yo ayighanite.

Mumweghelele u Yesu

3. Musintaghe. Manyi mukakamilaghe ukunenezannya inkani yo mwisenganizye. Loli mwande na vyo abantu bakwinong’ona pisiku ilyo. Mwilalusye ukuti:

1. ‘Ka pa lediyo pali nkani buli?’

2. ‘Ka abapalamani bane, bo nkubomba nabo imbombo pamo bo nkumanyila nabo isukulu bakunena ivyachoni?’

4. Mubanje maso. Mwilalusye ukuti:

1. ‘Nkimba umuntu uyu akubomba ichoni pa kabalilo aka? Nkimba akwinong’ona ivyachoni?’

2. ‘Ka mo umuntu uyu avwaliye, mo akubonekela pamo panyumba yache, vikumbuzya ukuti wachipanga buli pamo waluko buli?’

3. ‘Nkimba aka ko kabalilo akiza akakunenezannya nawe?’

5. Mwivwisyanje.

1. Mutakanenaghe ivyinji.

2. Mubabuzye ukuti banenaghe inyinog’ono zyabo. Mulalusyanje amalalusyo umwamahala.