Munenaghe mo Mukunenelagha

Ifundo: ‘Amazyu aghakuneniwa pa kabalilo kache ghiza hee!’—Mbupi. 15.23.

Vyo u Filipu Akabomba

U Filipi akunenezannya ni kambala lya ku Itiyopiya lyo likubelenga umupukutu po lyikaye mungolo.

IVIDIYO: U Filipu Akalumbilila kwi Kambala Ilya ku Itiyopiya

1. Enelezya IVIDIYO, pamo belenga Imbombo 8.30, 31. Pabumalilo mwamule amalalusyo agha:

Nkimba u Filipu akandisya buli-buli ukunenezannya?
Choni cho iyi yikaba zila inyiza iyakwandisya ukunenezannya nu kulimanyisya ikambala ili ubwanaloli?

Nkimba Tukumanyilako Ichoni kwa Filipu?

2. Pala tunganda pakunenezannya nu muntu muzila iya kunenezannya, chingaba chipepe ukuti abe wakusatuka sona ukuti ivwisye ubutenga bo tukulonda ukunena nawe.

Mumweghelele u Filipu

3. Mubanje maso. Mo umuntu akubonekela ni cheni chache vingatubuzya ivyinji. Mungilalusya ukuti: Ka akuboneka ukuti angitikizya ukuti tunenezannye? Munganda pakunenezannya nawe ubutenga bwa mu Bayibolo umwakumulalusya ukuti, “Nkimba uzimenye . . . ?” Mutakamupatikizyanje umuntu yo akuboneka ukuti atakulonda ukuti munenezannye nawe.

4. Mube mwe bafisalyoyo. Mutakafikilaghe bulo ukunena pa kabalilo kanako. Mulindilile akabalilo akiza ukuti munene mo mukunenelagha pamo muzila iyakunenezannya. Pa kabalilo kamo tungize twande pakunenezannya nawe ifundo zya mu Bayibolo pisiku ilyakunyokelako.

5. Musintaghe. Inkani yo mukunenezannya nu muntu yingasinta. Mube mwe bakwisengannya ukusinta inkani yo mwisenganizye nu kwanda pakunenezannya nu muntu inkani yo yikukwafannya na vyo akulonda.

ENNYA SONA

Ndumbi. 3.1, 7; 1 Koli. 9.22; 2 Koli. 2.17; Kolo. 4.6