Ichililizi

Vyo u Yesu Akabomba

IVIDIYO: U Yesu Akaba ni Chililizi bo Ennya Ichilundilo cha Bantu

1. Enelezya IVIDIYO pamo belenga Maliko 6.30-34. Pabumalilo mwamule amalalusyo agha:

1. Choni cho u Yesu na bamanyili bache bakalondagha ukuti ‘babe pabene’?

2. Choni cho chikamupangisya u Yesu ukuti amanyisye ichilundilo cha bantu?

Nkimba Tukumanyilako Ichoni kwa Yesu?

2. Mumalo mwakuti twinong’onelaghe bulo ubutenga bo tukubalumbilila abantu, ichililizi chikutupangisya ukuti tubinong’onelaghe.

Mumweghelele u Yesu

3. Mwivwisyanje. Mumwitikizye umuntu ukunena inyinong’ono zyache. Manyi mumudumulizyanje vyo akunena sona ukusula inyonong’ono zyache na mo akuyivwila. Pala mukwivwisya vyo akunena mukulangizya ukuti mukuzichindika inyinong’ono zyache.

4. Mumwinong’onelaghe umuntu yo ali ni chinyonywa ichakumanyila Ibayibolo. Ukuyana na vyo mwennya akabalilo ko mwanenezannyanga, mwilalusye ukuti:

1. ‘Choni cho akulondiwa ukwivwisya ubwanaloli?’

2. ‘Nkimba ukumanyila Ibayibolo kungamwavwa buli-buli ukusinta ubumi bwache?’

5. Musalaghe inkani zyo zingamwavwa. Manyi mukabe, mumulangizye ukuti ukumanyila Ibayibolo kungamwavwa ukuti amuliwe amalalusyo ghache. Kungamwavwa sona ukuzyagha ifundo zyo zingamwavwa pa bumi bwache ukuti amalane ni ntamyo zyo akukomana nazyo.