Mumanyilaghe nu Moyo Uwakuti Mubabuzyeko Abanji vyo Mwamanyila

Nanthi tukumanyila pa twebene tukupindula sana, loli tungapindula nkhani nanthi tungababuzyangako abanji ifundo zyo twamanyila. Pa Isya Mbupingamu 11.25 pakuti: ‘Yo akusangalusya abanji, wepe akwiza pakusangalusiwa.’

Nanthi tukubabuzyako abanji ifundo zyo twamanyila, vikutwavwa ukuti chibe chipepe ukukumbukila ifundo zyo twamanyila sona tukwivwisya akiza inkhani yo twamanyilagha. Sona ichifukwa chakuti ifundo zyo twazyagha zingabavwa abanji, vikutupangisya ukuti tube bakuhoboka nanthi tukubabuzyako vyo twamanyila.—Imbo. 20.35.

Yezya ukubomba ivi: Usabata yo akwiza, muyezye ukulondelezya amalusako aghakuti mubabuzyeko abanji ifundo zyo mwamanyila. Mungamubuzyako yumo uwa mumbumba yinyu, umukamu pamo umuyemba muchipanga chinyu, yo mukubomba nawe imbombo, yo mukumanyila nawe isukulu, umupalamani winyu pamo abanthu bo mukukomana nabo mu bulumbilili. Muyezye ukulongosola akiza ifundo yo mukulonda ukunena mu mazyu aghinyu na ghinyu nu mwakwivwika akiza.

Mukumbukilaghe ukuti: Mubabuzyangeko abanji vyo mwamanyila ukuti mubaghomye mumalo mwakulangizya ukuti umwe mumenye ivyinji.—1 Koli. 8.1.