Amalalusyo gho Ibayibolo Likwamula / Ubumi sona Imfwa / Choni cho Tuli nu Bumi?
Vyo Ibayibolo likwamula
Tungaba na malalusyo aghakupambanapambana pa nkhani iya chifukwa cho tuli nu bumi. Tungilalusya ukuti, Choni cho tuliko? pamo Ka ubumi bwane buli ni chakulinga? Ibayibolo likulangizya ukuti ichakulinga cha bumi chakuti tube pabumanyani nu Chala. Ennya ifundo inkhulu zyo Ibayibolo likuvumbula.
U Chala Mupeli witu. Ibayibolo likunena ukuti: ‘We [Chala] yo atupelite, tutakipela twebene.’—Salimo 100.3; Ubuvumbuli 4.11.
Chilichosi cho u Chala akachipela, akachipela ni chakulinga ukongannyapo na banthu.—Yesaya 45.18.
U Chala akatupela ukuti tubanje ni ‘zala ya buzimu,’ cho chikongannyapo ukuba ni chinyonywa ichakumanya ichifukwa cho tuli nu bumi. (Matayi 5.3) Umwene akulonda ukuti twikutisyanje ichinyonywa ichi.—Salimo 145.16.
Tukwikutisya izala yitu iyabuzimu, nanthi tuli pabumanyani nu Chala. Napo bamo bangennya ukuti chitangabombiwa ukuba pabumanyani nu Chala, loli Ibayibolo likutulimbikisya ukuti, “palamila kwa Chala po wepe akwiza pakupalamila kukwinyu.”—Yakobo 4.8; 2.23.
Ukuti tube pabumanyani nu Chala, tukulondiwa ukubomba ivinthu vyo vikukolekana nu bwighane bwache ku banthu. Ibayibolo likulongosola ubwighane ubu pisimbo lya Undumbilili 12.13 po pakuti: ‘Mumuchindikaghe u Chala uwabwanaloli nu kubukilila ukusunga indaghilo zyache, pakuti ichi cho cho umunthu abaghiye ukubomba.’—Good News Translation.
Munthazi popo tukwiza ukwivwisya akiza ubwighane bwa Chala ku banthu, nanthi iza efyapo inthamyo zyosi nu kuwapa abamanyani bache bo bakumwiputa ubumi ubwa bwila na bwila.—Salimo 37.10, 11.